అక్షరటుడే, వెబ్డెస్క్ : HYDRAA Jobs | హైదరాబాద్ (Hyderabad) నగరంలోని సరూర్ నగర్ స్టేడియంలో శనివారం తోపూలాట చోటు చేసుకుంది. హైడ్రాలో ఉద్యోగాల కోసం నిరుద్యోగులు భారీ ఎత్తున తరలి వచ్చారు.
హైడ్రాలో ఒప్పంద ప్రతిపాదికన పోస్టుల భర్తీకి ఇటీవల నోటిఫికేషన్ విడుదల అయింది. 100 డీఆర్ఎఫ్ అసిస్టెంట్లు, 50 డ్రైవర్ పోస్టులు భర్తీ చేస్తామని అధికారులు తెలిపారు. ఎలాంటి రాత పరీక్ష లేకుండా.. ఫిజికల్ టెస్టుల ఆధారంగా అభ్యర్థులను ఎంపిక చేస్తామన్నారు. ఈ నెల 8, 9 తేదీల్లో ఉదయం 5 గంటల నుంచి సరూర్ నగర్ స్టేడియంలో ఈవెంట్స్ నిర్వహిస్తామని ప్రకటించారు.
HYDRAA Jobs | పోటెత్తిన నిరుద్యోగులు
హైడ్రాలో ఉద్యోగాల కోసం శనివారం ఉదయం నుంచే నిరుద్యోగులు పోటెత్తారు. సంబంధిత సర్టిఫికెట్లతో స్టేడియానికి వచ్చారు. ఈవెంట్స్లో భాగంగా 170 సెకన్లలో 800 మీటర్ల రన్నింగ్, 15 సెకన్లలో 100 మీటర్లు, లాంగ్ జంప్ 4 మీటర్లు, 6 మీటర్ల షాట్పుట్ (7.2 KG) ఈవెంట్లలో క్వాలిఫై అవ్వాలని హైడ్రా ప్రకటించింది. దీంతో ఈవెంట్స్లో పాల్గొనేందుకు భారీగా నిరుద్యోగులు రావడంతో ఉద్రిక్తత నెలకొంది. ఇంత మంది వస్తే ఈవెంట్స్ ఎలా నిర్వహిస్తామని అధికారులు ఆగ్రహం వ్యక్తం చేశారు. మరోవైపు నిరుద్యోగులు ఒకరినొకరు తోసుకోవడంతో అక్కడ పరిస్థితి ఆందోళనకరంగా మారింది. దీంతో పోలీసులు స్వల్ప లాఠీఛార్జీ చేశారు. టోకెన్లు ఉన్నవాళ్ళు ఉండాలని సూచించారు.
సరూర్నగర్ స్టేడియం వద్ద తోపులాట
హైడ్రా పరిధిలోని 150 డ్రైవర్, అసిస్టెంట్ ఉద్యోగాల ఎంపిక ఈవెంట్స్ కోసం అభ్యర్థులు భారీగా తరలివచ్చారు.
సరూర్నగర్ స్టేడియం వద్ద నిరుద్యోగులు ఒక్కసారిగా పోటెత్తడంతో తోపులాట చోటుచేసుకుంది.#Udayam #BreakingNews #Saroornagar #HYDRA #Hyderabad #Jobs pic.twitter.com/lBTtq87TVH
— ఉదయం (@udayamdigital) August 8, 2026
దీనిని కూడా చదవండి : Kondapalli Ganesh Fraud | గణేష్ లడ్డూ పంచాడు.. పరిచయాలు పెంచుకున్నాడు.. కోట్లకు టోకరా వేశాడు.. సోషల్ మీడియాలో ప్రచారం వైరల్
