అక్షరటుడే, వెబ్డెస్క్ : INDIA Alliance Rally | ప్రధాన ఎన్నికల కమిషనర్ (CEC) జ్ఞానేశ్ కుమార్ రాజీనామా చేయాలని ఇండియా కూటమి ఢిల్లీ (Delhi)లో నేడు ర్యాలీ తలపెట్టిన విషయం తెలిసిందే. ఈ క్రమంలో దేశ రాజధానిలో భారీగా పోలీసులు మోహరించారు.
ఎస్ఐఆర్లో)లో అవకతవకలు జరిగాయని ఆరోపిస్తూ, ప్రధాన ఎన్నికల కమిషనర్ జ్ఞానేష్ కుమార్ రాజీనామా చేయాలని డిమాండ్ చేస్తూ ఇండియా కూటమి చేపట్టిన ‘చలో ఢిల్లీ’ పాదయాత్ర రామ్లీలా మైదాన్ వద్ద ముగుస్తుంది. ఇండియా కూటమి ఎంపీలు కాన్‌స్టిట్యూషన్ క్లబ్ వద్ద సమావేశమవుతారు. అనంతరం ర్యాలీగా రామ్లీలా మైదాన్కు చేరుకుంటారు. ఈ ర్యాలీలో ఇండియా కూటమిలోని పార్టీల నాయకులు పాల్గొననున్నారు. అయితే కాక్రోచ్ జనతా పార్టీ మాత్రం ఈ నిరసనకు దూరంగా ఉంటామని ప్రకటించింది.
INDIA Alliance Rally | 10 వేల మంది బలగాలు
ఢిల్లీ పోలీసులు, సెంట్రల్ ఆర్మ్డ్ పోలీస్ ఫోర్సెస్, సీఆర్పీఎఫ్, రాపిడ్ యాక్షన్ ఫోర్స్ (RAF) సహా దాదాపు 10,000 మంది పోలీసు, పారామిలిటరీ సిబ్బందిని సెంట్రల్ మరియు న్యూఢిల్లీ అంతటా మోహరించారు. రామ్లీలా మైదాన్ చుట్టూ, మింటో బ్రిడ్జ్ నుండి ర్యాలీ జరిగే ప్రదేశానికి వెళ్లే మార్గంలో మరియు చుట్టుపక్కల ప్రాంతాలలో 4,000 మందికి పైగా సిబ్బందిని మోహరించారు. సెంట్రల్ ఢిల్లీలోని కొన్ని ప్రాంతాలలో ఉదయం 10 గంటల నుండి సాయంత్రం 5 గంటల వరకు ట్రాఫిక్‌ను నియంత్రిస్తూ, దారి మళ్లింపులు చేస్తున్నారు.
INDIA Alliance Rally | బీజేపీ సైతం..
మరోవైపు నేడు బీజేపీ (BJP) సైతం ఢిల్లీలో ర్యాలీ నిర్వహించనుంది. 1984 సిక్కు వ్యతిరేక అల్లర్లలో మరణించిన వారిని స్మరించుకోవడానికి పశ్చిమ ఢిల్లీలో ప్రత్యేకంగా ఒక యాత్రను నిర్వహించనుంది. అదే రోజు హింసాకాండ వార్షికోత్సవం సందర్భంగా కాంగ్రెస్ ర్యాలీ నిర్వహిస్తోందని ఆ పార్టీ ఆరోపించింది. బీజేపీ యాత్ర నగర్ బస్ డిపో నుండి ప్రారంభమై తిలక్ నగర్ మెట్రో స్టేషన్ వరకు సాగుతుంది. కేంద్ర మంత్రి హర్దీప్ సింగ్ పూరి, ఢిల్లీ ముఖ్యమంత్రి రేఖా గుప్తా, సహాయ మంత్రి హర్ష్ మల్హోత్రా, హెచ్.ఎస్. ఫూల్కా, మంజిందర్ సింగ్ సిర్సా మరియు బీజేపీ ఎంపీ బాన్సురి స్వరాజ్ ఇందులో పాల్గొననున్నారు.
People have started gathering at Ramlila Maidan for the INDIA Alliance rally. https://t.co/eCBt16yv3g
— Desh Ka Verdict (@DeshKaVerdict) November 1, 2026
దీనిని కూడా చదవండి : Cyclone Alert | దూసుకొస్తున్న మరో తుపాన్ ముప్పు
