అక్షరటుడే వెబ్డెస్క్: Jyeshtha Purnima 2026 | రేపు (సోమవారం జూన్ 29) జ్యేష్ఠ పౌర్ణమి. ఆధ్యాత్మికంగా, జ్యోతిష్యపరంగా ( horoscope ) ఇవాళ ఎంతో ప్రాధాన్యత సంతరించుకుంది. ఈ పౌర్ణమి రోజున చంద్రుడు మూల నక్షత్రంలో, గురువు రాశిలో ఉండటం వల్ల అరుదైన శుభయోగం ఏర్పడుతోంది. ఈ గ్రహస్థితి వల్ల భక్తులకు మానసిక, శారీరక ప్రశాంతతతో పాటు బుద్ధిపరమైన రక్షణ లభిస్తుందని పండితులు చెబుతున్నారు.
Jyeshtha Purnima 2026 | గ్రహ స్థితి – విశేషం..
ఈ పౌర్ణమి రోజున చంద్రుడు షోడశ కళలతో పరిపూర్ణంగా ఉంటాడు. జ్యోతిష్య శాస్త్రం ప్రకారం, చంద్రుడి ఇంట్లో గురువు, గురువు ఇంట్లో చంద్రుడు ఉండే ‘రాశి పరివర్తన’ ఈ పౌర్ణమి రోజున ఏర్పడుతుంది. చంద్రుడు తన కిరణాలను భూమిపైకి ప్రసరింపజేస్తాడు. పంచభూతాలలో సముద్రుడిపై చంద్రుడి ప్రభావం అధికంగా ఉన్నట్లే, భూమిపై నివసించే మనపై కూడా ఈ కిరణాల ప్రభావం విశేషంగా ఉంటుంది. ఈ కిరణాలు మనిషికి ఆనందాన్ని, వికాసాన్ని, చైతన్యాన్ని కలుగజేస్తాయి. సూర్యభగవానుడి కిరణాలు చంద్రుడిపై పడి, ఆ సమ్మిళితమైన కిరణాలు మనపై ప్రసరించడం వల్ల ఆత్మ చైతన్యానికి, సంకల్ప వికాసానికి ఎంతో దోహదపడతాయి. సూర్య, చంద్రులు తల్లిదండ్రులతో సమానమని, వారి ఆశీస్సులు ఈ పౌర్ణమి రోజున మనకు అందుతాయని నమ్మకం.
Jyeshtha Purnima 2026 | లక్ష్మీదేవి ఆరాధన..
లక్ష్మీదేవి అనుగ్రహం కోసం ఈ పౌర్ణమి రోజున విశేష పూజలు చేయడం వల్ల దరిద్ర బాధలు తొలగిపోతాయని శాస్త్రం చెబుతోంది. ఈ రోజున భక్తిశ్రద్ధలతో లక్ష్మీదేవిని ప్రార్థించడం వల్ల బుద్ధిబలం, సంపద, ఆరోగ్యం లభిస్తాయి.
Jyeshtha Purnima 2026 | పఠించాల్సిన మంత్రాలు..
లక్ష్మీదేవిని ప్రార్థించేటప్పుడు భక్తులు ఈ క్రింది పవిత్ర మంత్రాలను జపించాలని సూచించడమైనది:
“ఓం మహాదేవ్యైచ విద్మహే విష్ణు పత్నీచ ధీమహి తన్నో లక్ష్మీహి ప్రచోదయాత్”
“ఓం వసుంధరాయే నమః, వసుంధర లక్ష్మీ దేవతాయే నమః”
సకల శుభాలను ప్రసాదించే ఈ జ్యేష్ఠ పౌర్ణమి రోజున, పైన పేర్కొన్న విధంగా లక్ష్మీదేవిని పూజించడం వల్ల ఆ తల్లి అనుగ్రహం లభించి, కుటుంబంలో సుఖసంతోషాలు వెల్లివిరుస్తాయని భక్తులు విశ్వసిస్తారు.
ఇది కూడా చదవండి: Revanth Reddy Nalgonda | తోడేళ్లలా తిరుగుతున్నారు”.. కేసీఆర్, హరీశ్ రావులపై సీఎం రేవంత్ ఘాటు వ్యాఖ్యలు
