అక్షరటుడే, వెబ్డెస్క్: Kolkata Durga Puja Stampede | పశ్చిమ బెంగాల్‌ West Bengal రాజధాని కోల్‌కతాలో దుర్గాపూజ వేడుకల వేళ తీవ్ర విషాదం చోటుచేసుకుంది. ఉత్తర కోల్‌కతాలోని చోరేబగన్‌ సార్వజనిన్‌ దుర్గాపూజ మండపం వద్ద శనివారం (అక్టోబర్‌ 17న) తొక్కిసలాటను తలపించే పరిస్థితి ఏర్పడింది. ఈ ఘటనలో 17 మంది మృతి చెందినట్లు సమాచారం. మరో 35 మంది గాయపడగా.. వారిని చికిత్స కోసం ఆసుపత్రికి తరలించారు.
Kolkata Durga Puja Stampede | భారీ వర్షంతో ఒక్కసారిగా పెరిగిన రద్దీ
ప్రాథమిక సమాచారం ప్రకారం.. మండపం వెలుపల దర్శనం కోసం పెద్ద సంఖ్యలో ప్రజలు వేచి ఉన్నారు. ఈ సమయంలో అకస్మాత్తుగా వర్షం కురవడంతో, బయట ఉన్నవారు ఒకేసారి లోపలికి వెళ్లేందుకు ప్రయత్నించారు. దీంతో జనసందోహం పెరిగి, తోపులాటకు దారితీసినట్లు పోలీసులు ప్రాథమికంగా వెల్లడించారు. ఈ క్రమంలో పలువురు కిందపడిపోవడంతో పరిస్థితి అదుపుతప్పినట్లు సమాచారం.
Kolkata Durga Puja Stampede | గాయపడిన వారికి ఆసుపత్రిలో చికిత్స
క్షతగాత్రులను కోల్‌కతాలోని మెడికల్‌ కాలేజ్‌ అండ్‌ హాస్పిటల్‌కు తరలించినట్లు నివేదికలు పేర్కొన్నాయి. కొందరు స్పృహ కోల్పోవడంతో స్థానికులు, సహాయక బృందాలు వారిని ఆసుపత్రికి తీసుకెళ్లారు. ఈ ఘటన నేపథ్యంలో వైద్యులను అత్యవసర విధులకు పిలిచారు.
Kolkata Durga Puja Stampede | మండపంలోకి భక్తుల ప్రవేశం నిలిపివేత
ప్రమాదం అనంతరం పోలీసులు చోరేబగన్‌ దుర్గాపూజ మండపంలోకి సందర్శకుల ప్రవేశాన్ని నిలిపివేశారు. పోలీసు అధికారులు, విపత్తు నిర్వహణ సిబ్బంది ఘటనా స్థలానికి చేరుకుని పరిస్థితిని అదుపులోకి తెచ్చే చర్యలు చేపట్టారు. పశ్చిమ బెంగాల్‌ ముఖ్యమంత్రి సువేందు అధికారి, ఉన్నతాధికారులు ఆసుపత్రికి వెళ్లి పరిస్థితిని సమీక్షించారు.
Akshara Today | ప్రజల గొంతుకగా అక్షరటుడే.. డిజిటల్ దిశగా మరో అడుగు..
Kolkata Durga Puja Stampede | హెల్ప్‌లైన్‌ ఏర్పాటు
ప్రమాదానికి సంబంధించిన సమాచారం కోసం బాధితుల కుటుంబ సభ్యులు సంప్రదించేందుకు పశ్చిమ బెంగాల్‌ ప్రభుత్వం 18003455678 టోల్‌ఫ్రీ హెల్ప్‌లైన్‌ నంబర్‌ను ప్రకటించింది.
దుర్గాపూజ సందర్భంగా పెద్ద సంఖ్యలో భక్తులు, సందర్శకులు మండపాలకు చేరుకోవడంతో రద్దీ నియంత్రణ, ప్రవేశ–నిష్క్రమణ మార్గాల నిర్వహణపై మరోసారి చర్చ మొదలైంది.
