అక్షరటుడే వెబ్డెస్క్: Maxivision Vijayawada | విజయవాడ ప్రజలకు మెరుగైన నేత్ర వైద్య సేవలను మరింత చేరువ చేసే లక్ష్యంతో ప్రముఖ ‘మాక్సివిజన్ సూపర్ స్పెషాలిటీ ఐ హాస్పిటల్స్’ సంస్థ నగరంలోని పోరంకిలో తన రెండవ శాఖను ప్రారంభించింది.
Maxivision Vijayawada | ఘనంగా ప్రారంభోత్సవం..
ఆంధ్రప్రదేశ్ ( Andra Pradesh ) ప్రభుత్వ గనులు, ఎక్సైజ్ శాఖ మంత్రి శ్రీ కొల్లు రవీంద్ర గారు ముఖ్య అతిథిగా విచ్చేసి ఈ నూతన ఆసుపత్రిని లాంఛనంగా ప్రారంభించారు. సాంప్రదాయ పద్ధతిలో జ్యోతి ప్రజ్వలనతో ఈ కార్యక్రమం మొదలైంది. ఈ వేడుకలో విజయవాడ తూర్పు ఎమ్మెల్యే శ్రీ గద్దె రామ్మోహన్ రావు గారు , తాడిగడప మున్సిపాలిటీ టీడీపీ అధ్యక్షుడు శ్రీ అనుమోలు ప్రభాకర్ రావు గారు గౌరవ అతిథులుగా పాల్గొన్నారు.
Maxivision Vijayawada | సమగ్ర సేవలు..
దేశవ్యాప్తంగా 90కి పైగా కేంద్రాలతో విస్తరించిన మాక్సివిజన్.. విజయవాడలో ఇప్పటికే ఒక శాఖను కలిగి ఉండగా, తాజా పోరంకి కేంద్రాన్ని అత్యుత్తమ వసతులతో తీర్చిదిద్దారు. ఈ ఆసుపత్రిలో శుక్లాలు, గ్లాకోమా, రెటీనా సంబంధిత సమస్యలు, రిఫ్రాక్టివ్ సర్జరీలు , పిల్లల కంటి సంరక్షణకు సంబంధించిన అన్ని అధునాతన వైద్య సేవలు అందుబాటులో ఉంటాయి. అనుభవజ్ఞులైన వైద్యుల పర్యవేక్షణలో కన్సల్టేషన్లు, రోగ నిర్ధారణ పరీక్షలు నిర్వహించనున్నారు.
Maxivision Vijayawada | నిపుణుల ప్రత్యేక స్పందన..
ఈ సందర్భంగా మాక్సివిజన్ చైర్మన్ డాక్టర్ జి.ఎస్.కె. వేలు మాట్లాడుతూ.. విజయవాడ ప్రజలకు వారి ఇళ్లకు దగ్గరగానే నాణ్యమైన కంటి వైద్యం అందించడమే తమ లక్ష్యమని తెలిపారు. సంస్థ చీఫ్ మెంటర్ డాక్టర్ కె.పి. రెడ్డి మాట్లాడుతూ, 2003లోనే విజయవాడలో అడుగుపెట్టిన తాము.. ఏపీలో తొలిసారిగా ‘లాసిక్’ (Lasik) విధానాన్ని ప్రవేశపెట్టామని గుర్తుచేశారు. పోరంకి కొత్త కేంద్రం ద్వారా మరిన్ని ఆధునిక సేవలను అందుబాటులోకి తెస్తున్నట్లు వెల్లడించారు. అలాగే పోరంకి ఆసుపత్రి మెడికల్ ఆఫీసర్ డాక్టర్ ఏ. రామకృష్ణ మాట్లాడుతూ.. సకాలంలో కంటి సమస్యలను గుర్తిస్తే మెరుగైన ఫలితాలు సాధించవచ్చని, రోగులందరికీ అంకితభావంతో సంరక్షణ అందిస్తామని పేర్కొన్నారు.
ఇది కూడా చదవండి: ECI SIR Hearing | ఎన్నికల సంఘం అత్యవసర భేటీ.. SIR పై కీలక నిర్ణయం
