అక్షరటుడే, వెబ్డెస్క్: MP Son Arrested | హైదరాబాద్ మాదా madapur పూర్లో జరిగిన రోడ్డు ప్రమాదం కేసులో జనసేన రాజ్యసభ సభ్యుడు లింగమనేని రమేష్ కుమారుడు సంజుష్ లింగమనేనిని గురువారం మాదాపూర్ పోలీసులు అరెస్టు చేశారు. మూడు రోజుల క్రితం ఇనార్బిట్ మాల్ సమీపంలో జరిగిన ఈ ప్రమాదంలో 26 ఏళ్ల యువతి మృతి చెందింది.
MP Son Arrested | ఐటీసీ కోహినూర్ ప్రాంతంలో..
పోలీసులు తెలిపిన వివరాల ప్రకారం.. 26 ఏళ్ల భారతి ముఖి, ఆమె సహోద్యోగి పూజా అశోక్ మధ్యాహ్నం సుమారు 3 గంటల సమయంలో ఐటీసీ కోహినూర్ పరిసర ప్రాంతానికి భోజనం తీసుకురావడానికి వెళ్లారు. తిరిగి ఇనార్బిట్ మాల్ వైపు వస్తుండగా మాల్ ఎదుట భారతి రోడ్డు దాటుతోంది.
MP Son Arrested | పోలీసుల దర్యాప్తు..
అదే సమయంలో వేగంగా, నిర్లక్ష్యంగా నడుపుతున్నట్లు ఆరోపణలు ఎదుర్కొంటున్న ఆస్టన్ మార్టిన్ కారు భారతిను ఢీకొట్టింది. ప్రమాదంలో ఆమె తలకు తీవ్ర గాయాలై అధిక రక్తస్రావం జరిగింది. వెంటనే అదే కారులో ఆమెను ఆస్పత్రికి తరలించగా.. పరీక్షించిన వైద్యులు అప్పటికే మృతి చెందినట్లు నిర్ధారించారు.
Milad Un Nabi Holiday | మారిన మిలాద్-ఉన్-నబి సెలవు తేదీ.. అధికారిక ఉత్తర్వులు జారీ
ఘటనపై మాదాపూర్ పోలీసులు కేసు నమోదు చేసి దర్యాప్తు చేపట్టారు. దర్యాప్తులో భాగంగా కారు నడుపుతున్నట్లు ఆరోపణలు ఎదుర్కొంటున్న సంజుష్ లింగమనేనిని అరెస్టు చేసినట్లు పోలీసులు తెలిపారు. ప్రమాదానికి దారితీసిన పరిస్థితులు, వాహన వేగం, డ్రైవింగ్ తీరుపై పోలీసులు విచారణ కొనసాగిస్తున్నారు.
