అక్షరటుడే వెబ్‌డెస్క్: New Skoda Slavia | ప్రముఖ కార్ల తయారీ సంస్థ స్కోడా ఆటో ఇండియా తమ సరికొత్త ‘స్లావియా’ సెడాన్ కార్ల ధరలను అధికారికంగా ప్రకటించింది. భారత్‌లో ప్రత్యేకంగా రూపొందించిన MQB-A0-IN ప్లాట్‌ఫారమ్‌పై తయారైన ఈ కారు డెలివరీలు వచ్చే వారం నుంచే ప్రారంభం కానున్నాయి. సరికొత్త యూరోపియన్ డిజైన్, శక్తివంతమైన పనితీరు, అత్యాధునిక సాంకేతికత , అగ్రశ్రేణి భద్రతా ప్రమాణాలతో ఈ కొత్త మోడల్ మార్కెట్లోకి వచ్చింది.
New Skoda Slavia | ఆరు వేరియంట్లు..
కొత్త స్లావియా మొత్తం ఆరు ఆకర్షణీయమైన ట్రిమ్‌లలో లభించనుంది. అవి: క్లాసిక్, క్లాసిక్+, సిగ్నేచర్, స్పోర్ట్‌లైన్, ప్రెస్టీజ్ , మోంటే కార్లో. ఈ కారులో నిరూపితమైన 1.0 లీటర్ TSI , 1.5 లీటర్ TSI ఇంజిన్ ఆప్షన్లను కొనసాగించారు. 1.0 లీటర్ ఇంజిన్‌కు 6-స్పీడ్ మాన్యువల్ లేదా సరికొత్త 8-స్పీడ్ టార్క్ కన్వర్టర్ ఆటోమేటిక్ గేర్‌బాక్స్ ఇచ్చారు. అలాగే మరింత శక్తివంతమైన 1.5 లీటర్ ఇంజిన్‌తో 7-స్పీడ్ DSG ఆటోమేటిక్ గేర్‌బాక్స్, వెనుక వైపు డిస్క్ బ్రేక్‌లను అందించారు.
New Skoda Slavia | అత్యాధునిక డిజైన్..
కొత్త స్లావియా మరింత పదునైన యూరోపియన్ స్టైలింగ్‌తో రూపుదిద్దుకుంది. సరికొత్త LED హెడ్‌ల్యాంప్‌లు, టెయిల్‌ల్యాంప్‌లు, క్రోమ్ గ్రిల్, కొత్త అల్లాయ్ వీల్స్ దీని లుక్‌ను మరింత పెంచాయి. ముఖ్యంగా ‘మోంటే కార్లో’ వేరియంట్ ప్రత్యేక బ్యాడ్జింగ్, రెడ్ యాక్సెంట్స్ , బ్లాక్ ఎక్స్‌టీరియర్ ఫినిషింగ్‌తో ప్రత్యేక ఆకర్షణగా నిలుస్తోంది. ఇప్పటికే ఉన్న 8 రంగులతో పాటు తాజాగా ఆర్క్టిక్ సిల్వర్, కాపుచినో బేజ్ రంగులను కూడా జత చేశారు (కాపుచినో బేజ్ డెలివరీలు డిసెంబర్ 2026లో ప్రారంభమవుతాయి).
New Skoda Slavia | సౌకర్యం , స్మార్ట్ టెక్నాలజీ..
ఈ సెడాన్ కారులో ప్రయాణికుల సౌకర్యం కోసం పలు ప్రత్యేక ఫీచర్లు చేర్చారు.
మసాజ్ ఫంక్షన్: సెగ్మెంట్‌లో తొలిసారిగా వెనుక సీట్లలో మసాజ్ ఫంక్షన్‌ను అందించారు.
360-డిగ్రీ కెమెరా: పార్కింగ్ , తక్కువ వేగంతో డ్రైవింగ్ చేసేటప్పుడు సులభంగా ఉండేందుకు 360-డిగ్రీ కెమెరా, పార్క్ పైలట్, ముందు-వెనుక సెన్సార్లు ఇచ్చారు.
జెమిని AI వాయిస్ ( Gemini )అసిస్టెంట్: గూగుల్ క్లౌడ్ ఏఐ ఏజెంట్ (జెమిని) ఆధారిత వాయిస్ అసిస్టెంట్‌ను ఇందులో పొందుపరిచారు. ఇది భారతీయ ఇంగ్లీష్ యాసలను సులభంగా గుర్తిస్తూ, మ్యూజిక్, కాల్స్, వాతావరణం వంటి వివరాలను హ్యాండ్స్-ఫ్రీగా నియంత్రించడానికి సహకరిస్తుంది.
New Skoda Slavia | భద్రతా ప్రమాణాలు..
భద్రత విషయంలో రాజీపడని స్కోడా.. గ్లోబల్ NCAP క్రాష్ టెస్ట్‌లో 5-స్టార్ రేటింగ్ సాధించిన రక్షణను ఇందులోనూ నిలబెట్టింది. ప్రాథమికంగా 6 ఎయిర్‌బ్యాగ్‌లతో పాటు 25కి పైగా సేఫ్టీ ఫీచర్లు స్టాండర్డ్‌గా వస్తున్నాయి. హైఎండ్ వేరియంట్లలో ఈ భద్రతా ఫీచర్లు 40కి పైగా ఉంటాయి. రెయిన్-సెన్సింగ్ వైపర్లు, ఆటో-డిమ్మింగ్ IRVM వంటి ఫీచర్లు డ్రైవింగ్‌ను మరింత సురక్షితం చేస్తాయి.
ఇది కూడా చదవండి: Stock Market Rally | మార్కెట్‌లో రిలీఫ్ ర్యాలీ.. భారీ లాభాలతో ముగిసిన సూచీలు
