అక్షరటుడే, నిజామాబాద్ సిటీ: Red Cross Society Nizamabad | నిజామాబాద్ (Nizamabad) రెడ్క్రాస్ సొసైటీ ఎన్నికల్లో ఇందూరు సేవా సమితి ప్యానెల్ ఘన విజయం సాధించింది. విజేతల వివరాలను ఆదివారం రాత్రి ఎన్నికల అధికారి శ్రీనివాస్ ఫలితాలు వెల్లడించారు. సోమవారం పూర్తి కార్యవర్గం ఎన్నిక కానుంది.
Red Cross Society Nizamabad | ఆద్యంతం ఉత్కంఠగా..
మొత్తం 29 మంది పోటీ పడగా.. 15 మంది విజేతలను ఎన్నికల అధికారి ప్రకటించారు. దీంట్లో ఇందూరు సేవా సమితి ప్యానెల్ సభ్యులు 11 మంది విజయం సాధించారు. బుస్స ఆంజనేయులు ప్యానెల్లో నలుగురు అభ్యర్థులు ఎక్కువ ఓట్లు పొందారు.
మొత్తంగా సీనునాయక్కు 794 ఓట్లు, ఆంజనేయులుకు 793, దీకొండ యాదగిరి 785, మల్లెపూల జగన్ గౌడ్ 783, రంజిత్గౌడ్ 759, పోతన్కర్ లక్ష్మీనారాయణ 755, చౌహాన్ బాలాజీ 749, కరిపె రవీందర్ 749, ఏ రవీందర్ 746, యెండల సుధాకర్ 743, కొండ సత్యప్రసాద్ 742, నరాల సుధాకర్ 734, జెస్సు అనిల్కుమార్ 730, కెంపుల నాగరాజు 728, పద్మ సుభాష్కు 728 ఓట్లు వచ్చాయి.
Red Cross Society Nizamabad | పోలైన ఓట్లు ఎంతంటే..
ఈ ఏడాది రెడ్క్రాస్ ఎన్నికలు జిల్లావ్యాప్తంగా హాట్టాపిక్గా మారాయి. సొసైటీకి జరిగిన ఎన్నికల్లో 29 మంది అభ్యర్థులు రెండు ప్యానెళ్లుగా విడిపోయి పోటీ చేశారు. ఎవరికివారు పోటాపోటీగా ప్రచారం చేశారు. ఎప్పుడు కూడా రెడ్క్రాస్ కార్యవర్గం ఏకగ్రీవమయ్యేది.
రెడ్క్రాస్ సొసైటీలో మొత్తంగా 9,823 మందికి ఓటింగ్ అవకాశం ఉండగా.. మధ్యాహ్నం పోలింగ్ సమయం ముగిసేనాటికి 1552 ఓట్లు పోలయ్యాయి. డీసీసీ శ్రీనివాస్ వివరాలు వెల్లడించారు.
ఇది కూడా చదవండి: దసరా బరిలో 6 సినిమాలు.. విన్నర్ ఎవరో?
