అక్షరటుడే, వెబ్డెస్క్: Russia hypersonic missile | ఉక్రెయిన్పై రష్యా మరోసారి విరుకుపడింది. పెద్ద ఎత్తున డ్రోన్లు హైపర్ సోనిక్ క్షిపణితో దాడికి పాల్పడింది. దీంతో ఇద్దరు మరణించగా, మరో 83 మంది గాయపడ్డారు. దాడి నేపథ్యంలో ఉక్రెయిన్ అధ్యక్షుడు వోలోడిమిర్ జెలెన్స్కీ మాట్లాడుతూ.. ఈ దాడిలో మాస్కో శక్తివంతమైన హైపర్సోనిక్ ఒరేశ్నిక్ బాలిస్టిక్ క్షిపణిని ఉపయోగించిందని, నాలుగేళ్ల క్రితం యుద్ధం ప్రారంభమైనప్పటి నుంచి ఈ ఆయుధాన్ని ఉపయోగించడం ఇది మూడోసారి అని తెలిపారు.
Russia hypersonic missile | కీవ్లోని పలు ప్రాంతాల్లో నష్టం
రష్యా చేసిన దాడిలో ఉక్రెయిన్ రాజధానిలోని పలు ప్రాంతాల్లో భారీ నష్టం వాటిల్లింది. దాడుల్లో నివాస భవనాలు, పాఠశాలలు, ఒక మార్కెట్, ప్రభుత్వ కార్యాలయాలకు సమీపంలోని ప్రాంతాలు దెబ్బతిన్నాయని అధికారులు తెలిపారు.
ఉక్రేనియన్ సైనిక కమాండ్ కేంద్రాలు, వైమానిక స్థావరాలు, రక్షణ పరిశ్రమ సౌకర్యాలపై జరిగిన దాడుల్లో ఒరేశ్నిక్ క్షిపణితో పాటు ఇతర క్షిపణి వ్యవస్థలను కూడా ఉపయోగించినట్లు రష్యా రక్షణ మంత్రిత్వ శాఖ ధ్రువీకరించింది. రష్యా భూభాగంలోని పౌర ప్రాంతాలపై ఇటీవల ఉక్రెయిన్ జరిపిన దాడులకు ప్రతిస్పందనగా ఈ దాడులు జరిపినట్లు మాస్కో తెలిపింది.
Russia hypersonic missile | రష్యా ఒరేశ్నిక్ క్షిపణి..
ఒరేశ్నిక్ క్షిపణి రష్యా సైనిక ఆయుధాగారంలోని అత్యంత అధునాతన, ప్రమాదకరమైన ఆయుధాలలో ఒకటిగా చెబుతుంటారు. అణ్వాయుధాలను లేదా సంప్రదాయ వార్హెడ్లను మోసుకెళ్లేలా రూపొందించబడిన ఈ క్షిపణి, సుదూర లక్ష్యాలను కచ్చితత్వంతో ఛేదిస్తుంది. ఆధునిక వాయు రక్షణ వ్యవస్థలను అధిగమించే లక్ష్యంతో రష్యా దీనిని తయారు చేసింది.
ఇది కూడా చదవండి..: Pakistan Train Blast | పాకిస్తాన్లో భారీ ఉగ్రదాడి.. 24 మంది మృతి
