అక్షరటుడే, వెబ్డెస్క్ : Iran America Talks | పశ్చిమాసియాలో ముదురుతున్న యుద్ధ మేఘాల మధ్య ఇరాన్ విదేశాంగ మంత్రి అబ్బాస్ అరాగ్చీ (Abbas Araqchi) శుక్రవారం రాత్రి పాకిస్థాన్కు చేరుకోనున్నారు. అమెరికాతో రెండో విడత శాంతి చర్చలు జరిపే అవకాశం ఉందన్న వార్తల నేపథ్యంలో ఈ పర్యటన అంతర్జాతీయ స్థాయిలో ఆసక్తి రేపుతోంది.
Iran America Talks | నిర్ణయాత్మక దిశగా చర్చలు
అమెరికా అధ్యక్షుడు డొనాల్డ్ ట్రంప్ (Donald Trump) వరుస హెచ్చరికలు చేస్తున్నప్పటికీ, దౌత్య మార్గాల ద్వారా సమస్యను పరిష్కరించేందుకు ఇరాన్ మొగ్గు చూపుతున్నట్లు కనిపిస్తోంది. ఈ పర్యటనకు ముందే అరాగ్చీ పాకిస్థాన్ ఉప ప్రధానమంత్రి, విదేశాంగ మంత్రి ఇషాక్ దార్, పాక్ ఆర్మీ చీఫ్ (Pak Army Chief) మునీర్తో ఫోన్లో సంభాషించారు. ప్రాంతీయ భద్రత , కాల్పుల విరమణ అంశాలపై వారు సుదీర్ఘంగా చర్చించినట్లు సమాచారం.
Iran America Talks | పాక్లో యూఎస్ బృందాలు
ఇప్పటికే అమెరికా (America)కు చెందిన భద్రతా, లాజిస్టిక్స్ బృందాలు ఇస్లామాబాద్లోనే ఉన్నట్లు తెలుస్తోంది. ఇది రెండో విడత చర్చలు త్వరలోనే ప్రారంభమవుతాయనే సంకేతాలను ఇస్తోంది. తొలి విడత చర్చల్లో పెద్దగా పురోగతి లేకపోయినా, ఈసారి ఇరు దేశాల మధ్య సయోధ్య కుదిర్చేందుకు పాకిస్థాన్ కీలక మధ్యవర్తిగా వ్యవహరిస్తోంది. అయితే ట్రంప్ సర్కార్ విధిస్తున్న కఠిన నిబంధనలు, ఇరాన్ అణు కార్యక్రమంపై పట్టు వీడకపోవడం వంటి అంశాలు చర్చల సక్సెస్పై సందిగ్ధతను పెంచుతున్నాయి.
దీనిని కూడా చదవండి : Iran Counter | భారత్ వచ్చి చూడండి.. ట్రంప్ వ్యాఖ్యలకు ఇరాన్ కౌంటర్
