అక్షరటుడే, వెబ్డెస్క్ : TCS Market Value | భారతీయ ఐటీ దిగ్గజ సంస్థ టాటా కన్సల్టెన్సీ సర్వీసెస్ (Tata Consultancy Services) భారీ సంక్షోభాన్ని ఎదుర్కొంటోంది. 2024 ఆగస్టులో ప్రారంభమైన పతనం.. ఈ ఏడాది మరింత స్పీడ్గా సాగుతోంది.
2024 ఆగస్టు చివరి నాటికి రూ. 16 లక్షలకోట్లపైనే ఉన్న మార్కెట్ విలువ ప్రస్తుతం రూ. 7.79 లక్షల కోట్లకు పడిపోవడం గమనార్హం. 2026 ప్రారంభంలో రూ. 11.6 లక్షల కోట్లుగా ఉంది. అంటే ఐదునెలల్లోనే రూ. 3.6 లక్షలకోట్లు క్షీణించిందన్న మాట.
TCS Market Value | ఓవైపు ట్రంప్.. మరోవైపు ఏఐ..
డొనాల్డ్ ట్రంప్ (Donald Trump) అమెరికా అధ్యక్షుడిగా రెండోసారి ఎన్నికయ్యాక ఎడాపెడా విధించిన రెసిప్రోకల్ టారిఫ్స్తో అన్ని కంపెనీలపై ప్రభావం పడింది. దీంతో విదేశాలకు సంప్రదాయ ఐటీ సేవలు అందించే టీసీఎస్ సైతం భారీగా నష్టపోయింది. మరోవైపు ఆర్టిఫిషియల్ ఇంటెలిజెన్స్ విప్లవం సాంప్రదాయ అవుట్సోర్సింగ్ బిజినెస్ మోడల్ను కుదిపేస్తోంది. గ్లోబల్ మార్కెట్లో క్లయింట్లు తమ ఐటీ బడ్జెట్లను భారీగా తగ్గించుకుంటున్నారు. దీంతో టీసీఎస్ మరింత కుదేలవుతోంది. భారతీయ ఐటీ కంపెనీలు మÖడు దశాబ్దాలుగా తక్కువ ఖర్చుతో కూడిన శ్రమ ఆధారంగా వృద్ధి చెందాయి. ఏఐ టూల్స్ ఇప్పుడు ఆ పనులను తక్కువ ఖర్చుతో వేగంగా చేసేస్తున్నాయి. దీంతో టీసీఎస్ వంటి సంస్థల మనుగడ ప్రశ్నార్థకంగా మారుతోంది.
TCS Market Value | స్టాక్ పనితీరు..
2024 ఆగస్టు చివరలో రూ. 4,554 వద్ద జీవనకాల గరిష్టాన్ని నమోదు చేసిన టీసీఎస్ షేరు ధర.. ఆ తర్వాత క్రమంగా తన విలువను కోల్పోతూ వస్తోంది. ప్రస్తుతం రూ. 2,155 వద్ద ఉంది. 52 వారాల గరిష్ట ధర రూ. 3,539 కాగా.. 52 వారాల కనిష్ట ధర రూ. 2,133.
ఇది కూడా చదవండి..: Stock Market Flat | ఫ్లాట్ గా ముగిసిన మార్కెట్లు
