అక్షరటుడే వెబ్డెస్క్: Telangana Academic Calendar | తెలంగాణ రాష్ట్ర ( Telangana ) పాఠశాల విద్యాశాఖ సరికొత్త అకడమిక్ క్యాలెండర్ను అధికారికంగా ప్రకటించింది. 2026-27 విద్యా సంవత్సరానికి సంబంధించి పాఠశాలల పనిదినాలు, సిలబస్ పూర్తి చేయాల్సిన గడువు, పండుగ సెలవులు , వేసవి సెలవుల వివరాలతో కూడిన పూర్తి షెడ్యూల్ను అధికారులు విడుదల చేశారు.
Telangana Academic Calendar | గడువులోగా పాఠ్యాంశాల బోధన..
ఈ నూతన విద్యా క్యాలెండర్ ప్రకారం.. ఈ విద్యా సంవత్సరంలో విద్యార్థులకు మొత్తం 227 రోజులు పాఠశాలలు పనిచేయనున్నాయి. విద్యార్థులకు నాణ్యమైన విద్యను అందించడంతో పాటు, నిర్దేశిత గడువులోగా పాఠ్యాంశాల బోధనను పూర్తి చేసేలా ఈ ప్రణాళికను రూపొందించారు. ఇందులో భాగంగానే రాష్ట్రంలోని అన్ని ప్రభుత్వ, ప్రైవేట్ పాఠశాలల్లో 1వ తరగతి నుంచి 9వ తరగతి చదువుతున్న విద్యార్థుల సిలబస్ను 2027 ఫిబ్రవరి 28 నాటికే పూర్తి చేయాలని విద్యాశాఖ స్పష్టమైన ఆదేశాలు జారీ చేసింది. ఆ తర్వాత మార్చి నుంచి విద్యార్థులకు రివిజన్ క్లాసులు, యూనిట్ పరీక్షలు, వార్షిక పరీక్షల నిర్వహణకు తగిన సమయం కేటాయించనున్నారు.
Telangana Academic Calendar | దసరా, సంక్రాంతి హాలిడేస్..
విద్యార్థులు ఎంతగానో ఎదురుచూసే దసరా, సంక్రాంతి లాంగ్ హాలిడేస్ వివరాలను కూడా విద్యాశాఖ ముందే ఖరారు చేసింది. దీని ప్రకారం అక్టోబర్ 10 నుంచి అక్టోబర్ 22, 2026 వరకు మొత్తం 13 రోజుల పాటు స్కూళ్లకు దసరా సెలవులు ఉంటాయి. అలాగే జనవరి 13 నుంచి జనవరి 17, 2027 వరకు మొత్తం 5 రోజుల పాటు సంక్రాంతి పండుగ సెలవులు ఇవ్వనున్నారు.
Telangana Academic Calendar | వేసవి సెలవులు..
ఈ విద్యా సంవత్సరానికి (2026-27) సంబంధించి ఏప్రిల్ 23, 2027ను చివరి పనిదినంగా (Last working day) నిర్ణయించారు. ఆ మరుసటి రోజు అంటే ఏప్రిల్ 24, 2027 నుంచి జూన్ 13, 2027 వరకు పాఠశాలలకు వేసవి సెలవులు (Summer Vacation) ఉంటాయి. తిరిగి జూన్ రెండో వారంలో కొత్త విద్యా సంవత్సరం ప్రారంభమవుతుంది. ఈ ముందస్తు క్యాలెండర్ వల్ల విద్యార్థులు, తల్లిదండ్రులు, ఉపాధ్యాయులు పరీక్షల సన్నాహకాలకు, పండుగ ప్రయాణాలకు ముందే ప్రణాళికలు సిద్ధం చేసుకునే వీలుంటుందని విద్యాశాఖ తెలిపింది.
ఇది కూడా చదవండి: Kapu Corporation | రాష్ట్రంలో మున్నూరు కాపు కార్పొరేషన్ సేవలను విస్తరిస్తాం
