అక్షరటుడే, వెబ్డెస్క్: Telangana Inflation Rate | దేశవ్యాప్త ద్రవ్యోల్బణం అదుపులోనే ఉన్నట్లు కనిపిస్తున్నా, క్షేత్రస్థాయిలో రాష్ట్రాల మధ్య నెలకొన్న భారీ వ్యత్యాసాలు ఆందోళన కలిగిస్తున్నాయి.
తాజాగా ఏప్రిల్ 2026 గణాంకాల ప్రకారం, జాతీయ సగటు ద్రవ్యోల్బణం 3.48% వద్ద స్థిరంగా ఉన్నప్పటికీ, తెలుగు రాష్ట్రాల్లో, ముఖ్యంగా తెలంగాణ (Telangana)లో ధరల పెరుగుదల సామాన్యుడి నడ్డి విరుస్తోంది.
Telangana Inflation Rate | తెలంగాణ టాప్..
చత్తీస్గఢ్ కూల్తాజా నివేదిక ప్రకారం దేశంలోనే అత్యధికంగా తెలంగాణలో 5.81% ద్రవ్యోల్బణం నమోదైంది. జాతీయ సగటు కంటే ఇది దాదాపు 2% ఎక్కువగా ఉండటం గమనార్హం.
మరోవైపు, పొరుగు రాష్ట్రం ఆంధ్రప్రదేశ్ (4.20%) కూడా జాతీయ సగటు కంటే ఎగువనే కొనసాగుతోంది. విచిత్రంగా, అతి తక్కువ ధరల పెరుగుదలతో ఛత్తీస్గఢ్ (1.77%) దేశంలోనే అత్యంత చౌకైన రాష్ట్రంగా నిలిచింది.
Telangana Inflation Rate | దక్షిణాదిపైనే ‘ధరల’ పంజా?
ద్రవ్యోల్బణ గణాంకాలను పరిశీలిస్తే ఒక స్పష్టమైన ధోరణి కనిపిస్తోంది. జాబితాలో మొదటి ఐదు స్థానాల్లో నాలుగు దక్షిణాది రాష్ట్రాలే ఉండటం గమనార్హం:
తెలంగాణ: 5.81%
ఆంధ్రప్రదేశ్: 4.20%
తమిళనాడు: 4.18%
కర్ణాటక: 4.00%
కేరళ (3.42%)
మినహా మిగిలిన దక్షిణాది రాష్ట్రాలన్నీ జాతీయ సగటు కంటే అధిక ధరలతో సతమతమవుతున్నాయి. సరఫరా గొలుసులో లోపాలు, స్థానిక పన్నుల ప్రభావం దీనికి కారణమై ఉండవచ్చని నిపుణులు భావిస్తున్నారు.
Telangana Inflation Rate | ప్రధాన రాష్ట్రాల పరిస్థితి..
ఉత్తరప్రదేశ్ 3.59 %
మహారాష్ట్ర 3.13 %
పశ్చిమ బెంగాల్ 2.95 %
గుజరాత్ 2.85 %
బీహార్ 2.74 %
జాతీయ స్థాయిలో..
జాతీయ స్థాయిలో ద్రవ్యోల్బణం 4% లోపు ఉండటం ఆర్థిక వ్యవస్థకు శుభసూచకమే అయినప్పటికీ, రాష్ట్రాల మధ్య ఇంతటి అసమానతలు ఉండటం విధానపరమైన నిర్ణేతల వైఫల్యాన్ని సూచిస్తోంది.
Telangana Inflation Rate | తెలంగాణలో పరిస్థితి:
ఆహార పదార్థాల రవాణా ఖర్చులు, స్థానిక మార్కెట్ ఒత్తిళ్ల వల్ల ఇక్కడ ద్రవ్యోల్బణం 6% మార్కుకు చేరువలో ఉంది.
తక్కువ ద్రవ్యోల్బణం ఉన్న రాష్ట్రాలు:
ఛత్తీస్గఢ్ (1.77%), లడఖ్ (2.02%), అరుణాచల్ ప్రదేశ్ (2.07%) వంటి చోట్ల ధరలు నియంత్రణలో ఉండటం ఆయా రాష్ట్రాల స్థానిక ఉత్పత్తి, పంపిణీ వ్యవస్థల సమర్థతను చాటుతున్నాయి.
కేంద్ర ప్రభుత్వం గణాంకాలతో ఊరటనిస్తున్నా.. తెలంగాణ వంటి రాష్ట్రాల్లో సామాన్యుడు మాత్రం నిత్యావసరాల ధరలతో పోరాడుతూనే ఉన్నాడు. రాష్ట్ర ప్రభుత్వం ఇప్పటికైనా స్పందించి, ధరల నియంత్రణకు ప్రత్యేక చర్యలు చేపట్టాల్సిన అవసరం ఎంతైనా ఉంది.
ఇది కూడా చదవండి..: Gangadhara Sub Registrar | ఏసీబీ వలలో గంగాధర ఇన్ఛార్జి సబ్ రిజిస్ట్రార్.. రూ. 1.06 లక్షల అక్రమ వసూళ్ల కేసులో అరెస్టు
