అక్షరటుడే, వెబ్డెస్క్: Telangana Police Drug Alert | సోషల్ మీడియా మనకు ఎంత చేరువైందో.. అంతే స్థాయిలో సరికొత్త నేరాలకు, ముఠాలకు అడ్డాగా మారుతోంది. ముఖ్యంగా యువతను టార్గెట్ చేస్తూ డ్రగ్స్ మాఫియా నెట్టింట సరికొత్త వ్యూహాలను పన్నుతోంది.
ఇన్స్టాగ్రామ్, ఎక్స్ (ట్విట్టర్), ఫేస్బుక్ వంటి సామాజిక మాధ్యమాల్లో వచ్చే ‘డైరెక్ట్ మెసేజ్’ (DM)ల వెనుక ప్రమాదకరమైన ఉచ్చులు దాగి ఉన్నాయని తెలంగాణ పోలీసులు గట్టిగా హెచ్చరిస్తున్నారు.
ఈ మేరకు తెలంగాణ పోలీస్ అధికారిక ఎక్స్ (X) ఖాతా వేదికగా డిజిటల్ భద్రత, సైబర్ భద్రతపై యువతకు కనువిప్పు కలిగించే విధంగా ఒక కీలక సందేశాన్ని షేర్ చేశారు.
Telangana Police Drug Alert | “అనుకుంటున్నంత ప్రైవేట్ కాదు ఆ డీఎంలు..!”
సాధారణంగా చాటింగ్లు ప్రైవేట్గా ఉంటాయని, ఎవరికీ తెలియదని చాలామంది భావిస్తుంటారు. అయితే, ఈ భ్రమను క్యాష్ చేసుకునేందుకు డ్రగ్స్ ముఠాలు, అపరిచిత వ్యక్తులు ప్రయత్నిస్తున్నారని పోలీసులు స్పష్టం చేశారు.
“మీ సోషల్ మీడియా డీఎంలు (DMs) మీరు అనుకుంటున్నంత ప్రైవేట్ ఏమీ కావు. అలాగే అవతలి వ్యక్తుల ఉద్దేశాలు కూడా అంత మంచివి కావు. ఎల్లప్పుడూ అప్రమత్తంగా ఉండండి” అని తెలంగాణ పోలీసులు సోషల్ మీడియా వేదికగా పిలుపునిచ్చారు.
Telangana Police Drug Alert | సైబర్ సేఫ్టీ – యాంటీ డ్రగ్స్ క్యాంపెయిన్:
డ్రగ్స్ రహిత రాష్ట్రంగా మార్చడమే లక్ష్యంగా తెలంగాణ పోలీసులు వినూత్న కార్యక్రమాలు చేపడుతున్నారు. అందులో భాగంగానే నెట్టింట పొంచి ఉన్న ప్రమాదాల పట్ల, సైబర్ భద్రత పట్ల అవగాహన కల్పిస్తున్నారు. సోషల్ మీడియాలో పరిచయం లేని వ్యక్తులు చాటింగ్కు వస్తే ఆకర్షితులు కావద్దని, ముఖ్యంగా మాదకద్రవ్యాల సరఫరాదారులు ఇలాంటి రూట్లను ఎంచుకునే ప్రమాదం ఉందని నిపుణులు హెచ్చరిస్తున్నారు.
Telangana Police Drug Alert | పోలీసులు సూచిస్తున్న జాగ్రత్తలు:
అపరిచితులతో చాటింగ్ వద్దు: సోషల్ మీడియాలో ముఖ పరిచయం లేని వ్యక్తుల నుంచి వచ్చే రిక్వెస్ట్లను, మెసేజ్లను ప్రోత్సహించకండి.
వ్యక్తిగత సమాచారం పంచుకోవద్దు: డీఎంలో మీ ఫోన్ నంబర్లు, అడ్రస్, అంతర్గత విషయాలను షేర్ చేయొద్దు.
డ్రగ్స్ ప్రలోభాలకు దూరంగా ఉండండి: పార్టీల పేరుతోనో, ఆన్లైన్ గ్రూపుల ద్వారానే ఎలాంటి డ్రగ్స్/మత్తు పదార్థాల ఉచ్చులో పడకండి.
‘నో’ చెప్పడం అలవాటు చేసుకోండి: సామాజిక మాధ్యమాల్లో అనుమానాస్పద లింకులు, ప్రలోభాలు ఎదురైతే వెంటనే తిరస్కరించి, పోలీసులకు సమాచారం ఇవ్వండి.
“సే నో టు డ్రగ్స్” (#SayNoToDrugs) నినాదంతో ముందుకు సాగుతున్న తెలంగాణ పోలీసులు.. యువత ఆన్లైన్లో సైబర్ సేఫ్టీ (#CyberSafety) పాటించాలని, ఎలాంటి ప్రలోభాలకూ లొంగకుండా అప్రమత్తంగా ఉండాలని సూచిస్తున్నారు.
