అక్షరటుడే, వెబ్డెస్క్: Tim Cook Resignation | టెక్ దిగ్గజం యాపిల్లో త్వరలోనే కీలక మార్పులు చోటుచేసుకోబోతున్నాయి. ఆ సంస్థ సీఈఓగా దీర్ఘకాలంగా సేవలందిస్తూ వచ్చిన టిమ్ కుక్ తన పదవికి రాజీనామా చేయనున్నట్లు ప్రకటించారు. సెప్టెంబర్ 1వ తేదీన ఆయన బాధ్యతల నుంచి తప్పుకోనున్నారు.
Tim Cook Resignation | సీనియర్ వైస్ ప్రెసిడెంట్..
టిమ్ కుక్ Tim Cook స్థానంలో మరొకరు రాబోతున్నారు. యాపిల్ సంస్థలో ప్రస్తుతం సీనియర్ వైస్ ప్రెసిడెంట్ (ఇంజనీరింగ్)గా పనిచేస్తున్న జాన్ టెర్నస్ నూతన సీఈఓగా బాధ్యతలు చేపట్టనున్నారు. ఈ మార్పుతో యాపిల్ సంస్థలో కొత్త నాయకత్వం రాబోతోంది.
Tim Cook Resignation | ఎగ్జిక్యూటివ్ ఛైర్మన్
స్టీవ్ జాబ్స్ అనంతరం టిమ్ కుక్ సారథ్య బాధ్యతలు చేపట్టారు. సుదీర్ఘ కాలంగా ఆ సీఈవోగా యాపిల్ను ముందుకు నడిపించి, సంస్థను ప్రపంచంలోనే అత్యంత విలువైన కంపెనీలలో ఒకటిగా నిలబెట్టడంలో కీలక పాత్ర పోషించారు.
ఆయన హయాంలో యాపిల్ వ్యాపార విస్తరణ, కొత్త ఉత్పత్తుల ఆవిష్కరణ, సేవల విభాగం అభివృద్ధి గణనీయంగా పెరిగాయనేది నిర్వివాదాంశం. ఇక సీఈవో బాధ్యతల నుంచి తప్పుకుంటున్న టిమ్ కుక్ ఎగ్జిక్యూటివ్ ఛైర్మన్ పదవిలోకి మారనున్నారు
సీఈవో మార్పు పరిణామం టెక్ ప్రపంచంలో ప్రాధాన్యం సంతరించుకుంది. కొత్త సీఈఓగా బాధ్యతలు చేపట్టనున్న జాన్ టెర్నస్ నాయకత్వంలో యాపిల్ భవితవ్యం ఎలా ఉండబోతుందన్నదానిపై ఆసక్తి నెలకొంది.
