అక్షరటుడే, వెబ్డెస్క్: Vijay Oath Delay | టీవీకే అధినేత విజయ్ ప్రమాణస్వీకారంపై కొనసాగుతున్న ఉత్కంఠకు మరో మలుపు తిరిగింది. రేపు విజయ్ ప్రమాణస్వీకార కార్యక్రమం లేదని లోక్భవన్ వర్గాలు స్పష్టం చేశాయి. ప్రభుత్వ ఏర్పాటుకు అవసరమైన పూర్తి మద్దతు లేఖలు గవర్నర్కు ఇంకా అందలేదని సమాచారం.
Vijay Oath Delay | 116 మంది ఎమ్మెల్యేల మద్దతు
ప్రత్యేకంగా IUML, VCK పార్టీల నుంచి మద్దతు లేఖలు రాజ్భవన్కు చేరలేదని తెలుస్తోంది. ప్రస్తుతం 116 మంది ఎమ్మెల్యేల మద్దతుతో కూడిన లేఖ మాత్రమే గవర్నర్కు అందిందని లోక్భవన్ వర్గాలు వెల్లడించాయి.
తమిళనాడు అసెంబ్లీలో ప్రభుత్వ ఏర్పాటుకు అవసరమైన మ్యాజిక్ ఫిగర్ 117 కావడంతో, ఒక్క సభ్యుడి మద్దతు ఇంకా తక్కువగా ఉన్నట్లు రాజకీయ వర్గాలు పేర్కొంటున్నాయి. దీంతో విజయ్కు ప్రభుత్వం ఏర్పాటు చేసేందుకు గవర్నర్ నుంచి ఆహ్వానం లభించలేదు.
ఇక మద్దతు లేఖల కోసం టీవీకే నేతలు మిత్రపక్షాలతో సంప్రదింపులు కొనసాగిస్తున్నట్లు సమాచారం. తమిళనాడు రాజకీయాల్లో వేగంగా మారుతున్న పరిణామాలపై రాష్ట్రవ్యాప్తంగా ఆసక్తి నెలకొంది.
