అక్షరటుడే, నిజామాబాద్ సిటీ : Women Kabaddi Coach | రాష్ట్ర ప్రభుత్వం స్పోర్ట్స్ అథారిటీ ఆఫ్ తెలంగాణ (Telangana) ఆధ్వర్యంలో ఖేలో ఇండియా యూత్ గేమ్స్ను ప్రతిష్టాత్మకంగా నిర్వహిస్తోంది. దీంట్లో భాగంగా తెలంగాణ మహిళా కబడ్డీ జట్టుకు ముగ్గురితో కూడిన సెలెక్షన్ కమిటీ ఏర్పాటు చేశారు. ఈ సందర్భంగా జిల్లా కబడ్డీ జట్టు కోచ్ మీసాల ప్రశాంత్ రాష్ట్ర కబడ్డీ జట్టు కోచ్గా నియమితులయ్యారు.
Women Kabaddi Coach | శిక్షకుడిగా మీసాల ప్రశాంత్..
ఈ ఎంపిక కమిటీలో అంతర్జాతీయ కబడ్డీ జట్టు అర్జున అవార్డు గ్రహీత నీతా దాడివే, ఇండియన్ రైల్వే జట్టు శిక్షకురాలు మంగళ దేశాయి, జిల్లా కబడ్డీ కోచ్గా విధులు నిర్వహిస్తున్న మీసాల ప్రశాంత్ ఉన్నారు. తెలంగాణ రాష్ట్రంలో ఉన్న కబడ్డీ క్రీడాకారులకు ఎంపికలు నిర్వహించి ప్రతిభ కనబర్చిన 30మంది క్రీడాకారుల ఎంపిక చేసే బాధ్యత ఈ కమిటీదే. ఈ సందర్భంగా మూడు ఫేస్లుగా శిక్షణ శిబిరం ఏర్పాటు చేశారు. మొదటి శిక్షణ శిబిరం పూర్తి చేసుకుని వచ్చిన ప్రశాంత్ను జిల్లా కబడ్డీ సంఘం అభినందించింది. ఈ నియామకం పట్ల జిల్లా యువజన క్రీడా అధికారి పవన్ కుమార్, జిల్లా కబడ్డీ సంఘం అధ్యక్షుడు అంధ్యాల లింగయ్య, సురేందర్, సీనియర్ క్రీడాకారులు, వ్యాయామ ఉపాధ్యాయులు హర్షం వ్యక్తం చేశారు.
ఇది కూడా చదవండి..: RTC Bus Accident | అదుపుతప్పి పొలాల్లోకి దూసుకెళ్లిన ఆర్టీసీ బస్సు,కారు.. తప్పిన పెనుప్రమాదం
