అక్షరటుడే, నిజామాబాద్ సిటీ: Paddy Procurement | రైతులు దళారులను నమ్మి మోసపోవద్దని మేయర్ ఉమారాణి పేర్కొన్నారు. నగరంలో మెప్మా ఆధ్వర్యంలో శ్రద్ధానంద్ గంజ్, జీజీ కళాశాలలో ధాన్యం కొనుగోలు కేంద్రాలను ప్రారంభించారు.
Paddy Procurement | మద్దతు ధర పొందాలి..
కేంద్రాలను ప్రారంభించిన అనంతరం మేయర్ మాట్లాడుతూ ప్రభుత్వ కొనుగోలు కేంద్రాల్లోనే ధాన్యం విక్రయిస్తే మద్దతు ధర లభిస్తుందన్నారు. రైతులు (Farmers) తమ ఉత్పత్తిని సులభంగా అమ్ముకునేందుకు ఈ కేంద్రాలు ఉపయోగపడతాయని ఆమె అన్నారు. మున్సిపల్ కమిషనర్ దిలీప్ కుమార్ మాట్లాడుతూ.. మెప్మా ద్వారా రైతులకు మెరుగైన సేవలు అందించేందుకు నిరంతరం కృషి చేస్తున్నామన్నారు. ఈ కేంద్రాల ద్వారా రైతులకు పారదర్శకంగా సకాలంలో చెల్లింపులు జరుగుతాయని వివరించారు. ఈ కార్యక్రమంలో మెప్మా సిబ్బంది రైతులకు కేంద్రాల వద్ద పాటించాల్సిన విధివిధానాలు, అవసరమైన పత్రాలు కొనుగోలు ప్రక్రియ గురించి వివరించారు. ఈ కార్యక్రమంలో రైతులు, అధికారులు పాల్గొన్నారు.
ఇది కూడా చదవండి..: Indiramma Houses | ఇందిరమ్మ ఇళ్లతో పేదల సొంతింటి కల సాకారం: షబ్బీర్ అలీ
