అక్షరటుడే, వెబ్డెస్క్: Nirmal Fire Accident | నిర్మల్ జిల్లాలో వ్యాపించిన అగ్ని కీలలు ఉలిక్కిపడేలా చేస్తున్నాయిఇ. సోన్ సమీపంలోని పంటపొలాల్లో ఎగసిపడిన మంటలు వందలాది ఎకరాలను కాలిబూడిద చేశాయి. గుర్తుతెలియని వ్యక్తులు చేసిన తెలివి తక్కువ పనికి అన్నదాతలు నిలువునా నష్టపోయారు.
Nirmal Fire Accident | క్షణాల వ్యవధిలో..
స్థానికుల వివరాల ప్రకారం.. స్టోన్ సమీపంలోని ఓ పంట పొలంలో వరి కోతల అనంతరం మిగతా కొయ్యలకు కొందరు గుర్తుతెలియని వ్యక్తులు నిప్పంటించారు. కాగా, ఆ సమయంలో ఈదురుగాలులు వీయడంతో మంటలు క్షణాల వ్యవధిలో చుట్టుపక్కల పొలాలకు వ్యాపించాయి.
గాలుల తీవ్రతకు అగ్నికీలలు ఎగసిపడుతున్నాయి. ఇప్పటి వరకు 300 ఎకరాల మేర విస్తరించాయి. మంటల తీవ్రతతకు సమీప ప్రాంతమంతా దట్టమైన పొగలతో కమ్ముకుంది.
ఈ అగ్నిప్రమాదంలో పంట పొలాల్లోని అనేక బోరు బావుల మోటర్లు, పైపులైన్లు పూర్తిగా కాలిపోయాయి. కంటి ఎదుటే కష్టార్జితం, రూ.లక్షల విలువైన వ్యవసాయ సామగ్రి అగ్నికి ఆహుతైపోవడంతో కర్షకులు కన్నీరుమున్నీరుగా విలపిస్తున్నారు. భారీగా నష్టం వాటిల్లడంతో ఆందోళన వ్యక్తం చేస్తున్నారు. మంటలను అదుపు చేసేందుకు అగ్నిమాపక సిబ్బంది తీవ్రంగా శ్రమిస్తున్నారు.
