అక్షరటుడే, నిజామాబాద్ అర్బన్: Bal Bhavan | చిన్నారుల ప్రతిభా ప్రదర్శనకు బాల్భవన్ చక్కని వేదిక అని డీఈవో అశోక్ (Deo Ashok) అన్నారు. జిల్లా కేంద్రంలోని బాల్భవన్లో మంగళవారం వేసవి శిక్షణ తరగతుల్లో (summer training) భాగంగా ఏర్పాటు చేసిన వివిధ రకాల ప్రదర్శనలకు ఆయన ముఖ్య అతిథిగా హాజరయ్యారు.
Bal Bhavan | ప్రతిభను వెలికితీసే వేదిక..
డీఈవో మాట్లాడుతూ.. చిన్నారుల్లో అపారమైన ప్రతిభ ఉంటుందని.. దానిని వెలికితీసేందుకు సరైన వేదికలు అవసరమన్నారు. వేసవి సెలవులను వృథా చేయకుండా వివిధ రకాల ప్రదర్శనలకు బాల్భవన్ చక్కటి వేదికగా మారిందన్నారు. చిన్నారులు ఆయా ప్రదర్శనల్లో చూపిస్తున్న ప్రతిభ చూస్తే ముచ్చటేస్తుందన్నారు. అలాగే బాల్భవన్ ఫౌండర్ నారాయణ సింహాచలం వారసులు మామిడిపూడి ప్రేమలత హాజరై మాట్లాడుతూ.. చిన్నారులు ప్రతిభ అద్భుతమన్నారు.
బాల్భవన్ సూపరింటెండెంట్ మల్లాది ఉమాబాల మాట్లాడుతూ..జిల్లావ్యాప్తంగా(Nizamabad) 750 మంది చిన్నారులకు వేసవి సెలవుల్లో భాగంగా వివిధ రకాల కార్యక్రమాలను విజయవంతంగా ఏర్పాటు చేశామన్నారు. ఈ సందర్భంగా ఉత్తమ ప్రతిభ చూపిన పదిమంది చిన్నారులకు ఒక్కొక్కరికి రూ.వెయ్యి, సర్టిఫికెట్లను డీఈవో అందజేశారు. చిన్నారులు వేసిన జడకొప్పులాట, యోగా ప్రదర్శన, బాంగ్రా నృత్యం, శ్లోకాలు, కర్రసాము అహుతులను అలరించాయి. ఈ కార్యక్రమంలో పూర్వ బాల్భవన్ సూపరింటెండెంట్ విఠల్, ప్రభాకర్, పుష్పలత, వెంకటలక్ష్మి, నటరాజ్, శ్వేత, సోనాలి, రిచా, మాధవి, నవీన్, రాంచందర్, గణేష్, మాధవి, విజయ తదితరులు పాల్గొన్నారు.
ఇది కూడా చదవండి: Aaya Share Song | యూట్యూబ్ను షేక్ చేస్తున్న నాని ‘ఆయా షేర్’ సాంగ్
