అక్షరటుడే, నిజామాబాద్ అర్బన్: Ganesh Bigala | ఇటీవల భిక్కనూరు (Bhikkanoor) జాతీయ రహదారిపై మాజీ ఎమ్మెల్యే బిగాల గణేష్ గుప్తా కారు ప్రమాదానికి గురైంది. ఈ ఘటనలో బిగాల తృటిలో తప్పించుకున్నారు.
Ganesh Bigala | ఆరోగ్య పరిస్థితిపై వాకబు..
ఈ సందర్భంగా ఆయనను హైదరాబాద్లో మాజీమంత్రి ఎమ్మెల్యే ప్రశాంత్రెడ్డి (MLA Prashanth Reddy) మర్యాదపూర్వకంగా కలిశారు. ఆయన ఆరోగ్య పరిస్థితిపై వాకబు చేశారు. ప్రమాదం జరిగిన తీరును తెలుసుకున్నారు. ప్రమాదం నుంచి బయటపడడంపై సంతోషం వ్యక్తం చేస్తూ..ఎప్పటిలాగే ప్రజాక్షేత్రంలో ముందుకు వెళ్లాలని సూచించారు.
Ganesh Bigala | గణేష్ బిగాల క్షేమం కోసం ప్రత్యేక పూజలు, అన్నదానం
నిజామాబాద్ అర్బన్ మాజీ ఎమ్మెల్యే గణేష్ బిగాల ఆరోగ్యంగా ఉండాలని నగర బీఆర్ఎస్ నాయకులు ఆకాంక్షిచారు. ఈ సందర్భంగా నగరంలోని నీలకంఠేశ్వర ఆలయంలో, మాక్లూర్లోని విఠలేశ్వర ఆలయంలో ప్రత్యేక పూజలు, అర్చనలు నిర్వహించారు. అనంతరం నీలకంఠేశ్వర ఆలయంలో మధ్యాహ్నం అన్నదానం నిర్వహించారు.
ఈ కార్యక్రమంలో పార్టీ నాయకులు, కార్యకర్తలు, అభిమానులు, స్థానిక ప్రజలు పాల్గొన్నారు. ఈ సందర్భంగా నాయకులు మాట్లాడుతూ, కారు ప్రమాదం నుంచి గణేష్ బిగాల సురక్షితంగా బయటపడటం సంతోషకరమన్నారు. భగవంతుడి ఆశీస్సులు, ప్రజల అభిమానంతో ఆయన మరింత ఉత్సాహంగా ప్రజలకు సేవలందించాలని ఆకాంక్షించారు. ఈ కార్యక్రమంలో నుడా మాజీ ఛైర్మెన్ ప్రభాకర్ రెడ్డి, సుజిత్ సింగ్, గాండ్ల లింగం, రమేష్, మాకు రావు, చింతకాయల రాజు, శివకుమార్, విఠల్, మధు, న్యాలం రమేష్, సన్నీ,మహేష్, నరేష్ గౌడ్, జింక, రాజు, నరేష్ తదితరులు పాల్గొన్నారు.
ఇది కూడా చదవండి..: Gold Inspections | బంగారం దుకాణాల్లో తనిఖీలు నిర్వహించాలి..
