అక్షరటుడే, వెబ్డెస్క్ : HDFC Bank MCLR Rates | హెచ్డీఎఫ్సీ బ్యాంక్ వడ్డీ రేట్లను పెంచింది. వివిధ కాలపరిమితులకు (tenures) వర్తించే MCLR-ఆధారిత రుణ వడ్డీ రేట్లను 5-10 బేసిస్ పాయింట్ల మేర పెంచింది.
భారతదేశపు అతిపెద్ద ప్రైవేట్ రంగ బ్యాంక్ అయిన HDFC ‘మార్జినల్ కాస్ట్ ఆఫ్ ఫండ్స్-బేస్డ్ లెండింగ్ రేట్’ (MCLR)ను పెంచింది. ఆర్బీఐ రెపో రేటును 5.25 శాతం వద్ద యథాతథంగా ఉంచినప్పటికీ బ్యాంక్ వడ్డీ రేట్లు పెంచడం గమనార్హం. దీంతో ఆ బ్యాంకులో రుణాలు తీసుకున్న వారిపై భారం పడనుంది. ఈఎంఐలు పెరగనున్నాయి. ఈ కొత్త వడ్డీ రేట్లు సోమవారం నుంచి అమలులోకి వచ్చాయి.
HDFC Bank MCLR Rates | ఎంసీఎల్ఆర్ రేట్లు..
మూడు నెలల పరిమితికి.. 8.20 శాతం, ఆరు నెలలకు 8.35 శాతం, ఏడాదికి 8.40 శాతం, రెండేళ్లకు 8.55 శాతం, మూడేళ్లకు 8.65 శాతంగా బ్యాంక్ నిర్ణయించింది. చాలా వరకు గృహ రుణాలు ఒక సంవత్సరం MCLR బెంచ్మార్క్తో అనుసంధానించబడి ఉంటాయి. దీంతో ఆ బ్యాంక్లో హోమ్ లోన్స్ తీసుకున్న వారికి ఈఎంఐ భారం పెరగనుంది. MCLR-అనుసంధానిత రుణాలు తీసుకునే ప్రస్తుత రుణగ్రహీతలు, కొత్త వినియోగదారులు పెంపు ప్రభావానికి లోనయ్యే అవకాశం ఉంది.
దీనిని కూడా చదవండి: Stock Market Crash | భారీ నష్టాలతో ముగిసిన మార్కెట్లు
