అక్షరటుడే వెబ్డెస్క్: Credlix Export Financing | మోగ్లిక్స్కు చెందిన క్రాస్-బోర్డర్ ట్రేడ్ ఫైనాన్సింగ్ వేదిక ‘క్రెడ్లిక్స్’ ఎగుమతి ఫైనాన్సింగ్లో సరికొత్త రికార్డు సృష్టించింది. ఇప్పటివరకు ఎగుమతి ఫైనాన్సింగ్ రూపంలో 1 బిలియన్ డాలర్ల (సుమారు రూ.8,300 కోట్లకు పైగా) మైలురాయిని అధిగమించింది. ప్రస్తుతం భారత్, అమెరికా, మెక్సికో, మధ్యప్రాచ్యం, సింగపూర్లలోని 1,000కి పైగా ఎంఎస్ఎంఈ (MSME) ఎగుమతిదారులకు ఈ వేదిక అండగా నిలుస్తోంది.
Credlix Export Financing | ప్రత్యేకత ఏంటి?
భారత్లో ఆర్బీఐ (RBI) నియంత్రణలో ఉన్న ఎన్బీఎఫ్సీతో పాటు, గిఫ్ట్ సిటీలోని ఐఎఫ్ఎస్సీఏ (IFSCA) పరిధిలోని సంస్థను ఒకే వేదికపైకి తీసుకురావడం క్రెడ్లిక్స్ ప్రత్యేకత. దీనిద్వారా దేశీయ తయారీదారులు, విదేశీ కొనుగోలుదారులకు అవసరమైన ఫైనాన్సింగ్ సదుపాయాలు అత్యంత సులభంగా అందుతున్నాయి.
Credlix Export Financing | బలపడుతున్న వాణిజ్యం..
భారత్-మెక్సికో ద్వైపాక్షిక వాణిజ్యం 11 బిలియన్ డాలర్లకు చేరిన తరుణంలో.. మెక్సికన్ కంపెనీలకు ఫైనాన్సింగ్ అందించేందుకు 2027 ఆర్థిక సంవత్సరంలో 100 మిలియన్ డాలర్లకు పైగా నిధులను క్రెడ్లిక్స్ కేటాయించింది. ఈ భాగస్వామ్యాన్ని బలోపేతం చేసేందుకు మోగ్లిక్స్, క్రెడ్లిక్స్ సీఈఓ రాహుల్ గార్గ్ తదితరులు మెక్సికో రాయబారితో ఇటీవల చర్చలు జరిపారు.
redlix Export Financing | వర్కింగ్ క్యాపిటల్ కష్టాలు దూరం..
భారత వస్తు ఎగుమతులు 2027 ఆర్థిక సంవత్సరంలో బలమైన వృద్ధిని కనబరుస్తున్నాయి. ఏప్రిల్ – జులై మధ్య కాలంలో ఎగుమతులు 17.04% వృద్ధితో 173.78 బిలియన్ డాలర్లకు చేరాయి. ఈ నేపథ్యంలో దీర్ఘకాలిక చెల్లింపుల చక్రాలను ఎదుర్కొనే ఎంఎస్ఎంఈలకు ‘ఎగుమతి ఫ్యాక్టరింగ్’ ఎంతగానో సహాయపడుతుంది. విదేశీ కొనుగోలుదారుల నుంచి రావాల్సిన బకాయిల ఆధారంగా ఎగుమతిదారులకు ముందే నిధులు అందడం వల్ల.. నగదు ప్రవాహం సజావుగా సాగి, పెద్ద ఆర్డర్లు దక్కించుకునే అవకాశం లభిస్తుంది.
Credlix Export Financing | రాబోయే లక్ష్యాలు ఇవే..
యూఎస్డీ, యూరో, జీబీపీ వంటి ప్రధాన కరెన్సీలలో క్రెడ్లిక్స్ ఫైనాన్సింగ్ అందిస్తోంది. కేవలం భారతదేశం నుంచే 2027 ఆర్థిక సంవత్సరానికి 500 మిలియన్ డాలర్లకు పైగా ఎగుమతులకు ఫైనాన్సింగ్ అందించాలని టార్గెట్ పెట్టుకుంది. దేశంలో ఎగుమతి ఫ్యాక్టరింగ్ మార్కెట్ ఇంకా 1% కంటే తక్కువే ఉన్నందున, మరింత మంది ఎంఎస్ఎంఈలకు అవగాహన కల్పిస్తూ వారి వ్యాపార విస్తరణకు తోడ్పాటునందించడమే తమ లక్ష్యమని క్రెడ్లిక్స్ సీఈఓ రాహుల్ గార్గ్ తెలిపారు.
ఇది కూడా చదవండి: SIR Notice Process | ఎస్ఐఆర్ నోటీసుల జారీ.. విచారణ పారదర్శకంగా నిర్వహించాలి : కలెక్టర్ భవేష్ మిశ్రా
