అక్షరటుడే, వెబ్డెస్క్: Southwest Monsoon | రాష్ట్రంలో నైరుతి రుతుపవనాలు బలహీనపడనున్నాయి. దీంతో వర్షాలు తగ్గే అవకాశం ఉందని వాతావరణ శాఖ అధికారులు తెలిపారు.
తెలంగాణ (Telangana)లోని ఈ నెల 8న రుతుపవనాలు ప్రవేశించిన విషయం తెలిసిందే. దక్షిణ తెలంగాణలోని పలు జిల్లాలో విస్తరించిన రుతుపవనాలు అనంతరం బలహీనంగా మారాయి. రుతుపవనాల రాకతో రాష్ట్రవ్యాప్తంగా రెండు రోజులుగా భారీ వర్షాలు కురిశాయి. అయితే ఈరోజు దక్షిణ తెలంగాణ – హైదరాబాద్ పరిధిలో నైరుతి రుతుపవనాలు నిలిచిపోయే అవకాశం ఉందని అధికారులు తెలిపారు. జూన్ 17 వరకు ఉత్తర, ఈశాన్య తెలంగాణ వైపు ముందుకు కదిలే అవకాశాలు తక్కువగా ఉన్నాయన్నారు.
Southwest Monsoon | పెరగనున్న ఎండ తీవ్రత
రుతుపవనాలు బలహీనపడడంతో జూన్ 17 వరకు తెలంగాణలో ఎండ తీవ్రత పెరగనుంది. అయితే వేడి కారణంగా శక్తివంతమైన ఉరుములు మెరుపులతో కూడిన చెదురు ముదురు వర్షాలు పడుతాయి. జూన్ 18 తర్వాత బంగాళాఖాతంలో అల్పపీడనం ఏర్పడే అవకాశం ఉంది. దీని ప్రభావంతో జూన్ 19-23 మధ్య తెలంగాణలోని వివిధ ప్రాంతాలలో వర్షాలు కురుస్తాయి.
ఇది కూడా చదవండి..: Employee Salaries | ప్రభుత్వ ఉద్యోగులకు సీఎం గుడ్న్యూస్
