అక్షరటుడే వెబ్డెస్క్: El Nino Impact | దేశంలో ఈ సంవత్సరం ఎల్నినో (El Nino) ప్రభావం అధికంగా ఉండే అవకాశం ఉందని భారత వాతావరణ విభాగం (IMD) హెచ్చరించింది. భూమధ్య రేఖ ప్రాంతంలోని పసిఫిక్ మహాసముద్ర ఉపరితల జలాలు సాధారణం కంటే ఎక్కువగా వేడెక్కడం వల్ల ఈ పరిస్థితులు తలెత్తుతున్నట్లు వాతావరణ శాఖ వెల్లడించింది.
El Nino Impact | రుతుపవనాలపై ప్రతికూల ప్రభావం..
ఎల్నినో కారణంగా ప్రపంచవ్యాప్తంగా వాతావరణ పరిస్థితుల్లో మార్పులు వస్తాయని నిపుణులు హెచ్చరిస్తున్నారు. ముఖ్యంగా మన దేశంలో రుతుపవనాలపై ఇది ప్రతికూల ప్రభావం చూపే అవకాశం ఉంది. నైరుతి రుతుపవన కాలంలో సాధారణం కంటే తక్కువ వర్షపాతం నమోదయ్యే అవకాశం ఉందని ఐఎండీ అంచనా వేస్తోంది. గత 2023లో కూడా ఇలాంటి పరిస్థితులు ఏర్పడి, దేశవ్యాప్తంగా వర్షపాతంలో వైవిధ్యం , అంతరాయాలు కలిగాయని గుర్తు చేసింది.
El Nino Impact |ముందస్తు ప్రణాళికలతో కేంద్రం..
ఎల్నినో ముప్పును దృష్టిలో ఉంచుకుని కేంద్ర ప్రభుత్వం అప్రమత్తమైంది. ఈ ప్రభావానికి ఎక్కువగా లోనయ్యే అవకాశం ఉన్న 197 జిల్లాలను కేంద్ర వ్యవసాయశాఖ గుర్తించింది. ఈ మేరకు కేంద్ర మంత్రి శివరాజ్ సింగ్ చౌహాన్ కీలక వివరాలు వెల్లడించారు. రాష్ట్రాల వారీగా పంట నష్టాన్ని నివారించేందుకు ప్రత్యేక కార్యాచరణను సిద్ధం చేశామని మంత్రి తెలిపారు. వాతావరణం క్షీణించినా రైతులకు ఇబ్బంది కలగకుండా, ముందుజాగ్రత్తగా అవసరమైన విత్తనాలు, ఇతర వ్యవసాయ ఉత్పాదకాలను భారీగా నిల్వ ఉంచారు.
El Nino Impact |ఖేత్ బచావో అభియాన్..
వాతావరణ మార్పులను తట్టుకుని సాగు చేసే పద్ధతులపై రైతులకు అవగాహన కల్పించేందుకు ప్రభుత్వం ‘ఖేత్ బచావో అభియాన్’ అనే కార్యక్రమాన్ని ప్రారంభించింది. రాబోయే రోజుల్లో వాతావరణ పరిస్థితులను నిరంతరం పర్యవేక్షిస్తూ, రైతులను ఆదుకునేందుకు సిద్ధంగా ఉన్నామని కేంద్రం స్పష్టం చేసింది.
ఇది కూడా చదవండి: Revanth Reddy | పవన్ కల్యాణ్ తెలంగాణలో పోటీ చేయొచ్చు : సీఎం రేవంత్రెడ్డి
