అక్షరటుడే వెబ్డెస్క్: India Innovation Hub | ప్రపంచ వేదికపై భారత్ తన సత్తాను చాటుతోంది. ఫ్రాన్స్ పర్యటనలో భాగంగా నీస్ నగరంలో నిర్వహించిన ‘భారత్ ఇన్నోవేట్స్’ కార్యక్రమంలో ప్రధాని నరేంద్ర మోదీ పాల్గొని, దేశ సాంకేతిక ప్రస్థానంపై కీలక వ్యాఖ్యలు చేశారు. “భారతీయుల డీఎన్ఏలోనే ఆవిష్కరణలు (Innovation) కలిసి ఉన్నాయి” అని ఆయన పేర్కొన్నారు.
India Innovation Hub | ‘ఇన్నోవేషన్ హబ్’గా భారత్..
ప్రపంచ దేశాల సుస్థిర భవిష్యత్తు కోసం, మానవాళి మేలు కోసం భారత్ చేస్తున్న ఆవిష్కరణలు ఎంతో కీలకమని ప్రధాని తెలిపారు. భారతీయ యువత సరికొత్త సమస్యలకు అద్భుతమైన పరిష్కారాలను కనుగొంటోందని ప్రశంసించారు. భారత్ కేవలం ఆవిష్కరణలను వినియోగించుకునే దేశంగానే కాకుండా, ప్రపంచానికి సాంకేతిక సహకారాన్ని అందించే ‘ఇన్నోవేషన్ హబ్’గా ఎదుగుతోందని ఆయన ఉద్ఘాటించారు.
India Innovation Hub | మోదీ ప్రసంగంలోని అంశాలు..
కృత్రిమ మేధ రంగంలో భారత్కు అపారమైన సామర్థ్యం ఉంది. భవిష్యత్తులో ఈ రంగం ప్రపంచాన్ని శాసిస్తుందని ఆయన జోస్యం చెప్పారు. దేశంలో రెండు లక్షలకు పైగా స్టార్టప్లు ఉన్నాయని, ఇవి కేవలం భారత్కే కాకుండా, ప్రపంచ ఆర్థిక వ్యవస్థకు కూడా బలాన్ని ఇస్తున్నాయని తెలిపారు. భారత్ చేపట్టిన సంస్కరణల ఎక్స్ప్రెస్ ఆగదని, దేశాభివృద్ధి కోసం మరిన్ని కీలక నిర్ణయాలు తీసుకుంటామని ఆయన స్పష్టం చేశారు.
India Innovation Hub | భారత్తో భాగస్వామ్యంపై ఫ్రాన్స్ హర్షం..
ఈ కార్యక్రమంలో పాల్గొన్న ఫ్రాన్స్ అధ్యక్షుడు ఇమ్మాన్యుయేల్ మెక్రాన్, ‘మేక్ ఇన్ ఇండియా’ కార్యక్రమాన్ని ప్రశంసల్లో ముంచెత్తారు. భారత్ను ‘ఆవిష్కరణల దేశం’గా అభివర్ణించిన ఆయన, ఏఐ, వాతావరణ మార్పులు , పౌర అణుశక్తి రంగాల్లో భారత్తో కలిసి పనిచేయడానికి తమ దేశం ఎంతో ఆసక్తిగా ఉందని చెప్పారు. భవిష్యత్తులో ఇరు దేశాల మధ్య సాంకేతిక సహకారం మరింత బలపడుతుందని ఆయన ఆశాభావం వ్యక్తం చేశారు.
ఇది కూడా చదవండి: Singareni Mines Visit | సింగరేణిలో దోపిడీదారులకు తావులేదు : డిప్యూటీ సీఎం భట్టి
