అక్షరటుడే, వెబ్డెస్క్: Temple Hundi Note | సాధారణంగా గుడికి వెళ్లే భక్తులు దేవుడిని ఏమని కోరుకుంటారు? ఆయురారోగ్యాలు, సిరిసంపదలు ఇవ్వాలని ప్రార్థిస్తారు. లేదంటే పిల్లలకు మంచి ఉద్యోగం, పెళ్లి కావాలని వేడుకుంటారు.
కానీ, ఓ భక్తుడు లేదా భక్తురాలు మాత్రం తన అత్త మీద ఉన్న కోపాన్నంతా ఏకంగా దేవుడికే విన్నవించుకున్నారు. ఏకంగా కరెన్సీ నోటు మీద తన వింత కోరికను రాసి హుండీలో వేశారు. ప్రస్తుతం ఈ ఘటన తీవ్ర చర్చనీయాంశంగా మారింది.
Temple Hundi Note | అసలేం జరిగిందంటే..?
అనంతపురం జిల్లా (Anantapur District), ఆత్మకూరు మండలం, పంపనూరులోని శ్రీ సుబ్రహ్మణ్యేశ్వర స్వామి ఆలయంలో ఇటీవల అధికారులు హుండీ కానుకల లెక్కింపు కార్యక్రమాన్ని చేపట్టారు.
భక్తులు సమర్పించిన చిల్లర నాణేలు, నోట్లను వేరు చేస్తూ లెక్కిస్తున్న సిబ్బందికి.. అందులో ఒక కరెన్సీ నోటు వింతగా కనిపించింది. దాని మీద పెన్తో ఏదో రాసి ఉండటంతో.. ఆసక్తిగా చదివిన అధికారులకు ఒక్కసారిగా షాక్ తగిలినంత పనైంది.
Temple Hundi Note | నోటుపై ఏమని ఉందంటే..?
ఆ కరెన్సీ నోటుపై సదరు వ్యక్తి తన మనసులోని ‘విపరీతమైన’ కోరికను దేవుడికి అర్జీ రూపంలో ఈ విధంగా రాసుకొచ్చారు:
“స్వామి.. మా అత్త వేధింపులు తట్టుకోలేకపోతున్నాను.. తొందరగా మా అత్త చనిపోయేలా చూడు.”**
ఇలా రాసి ఉన్న నోటును చూసి, ఆ భక్తుడి / భక్తురాలి కోరికకు విస్తుపోవడం అక్కడున్న అధికారుల వంతైంది.
Temple Hundi Note | సోషల్ మీడియాలో నవ్వుల పువ్వులు
హుండీలో ఇలాంటి కోరికతో కూడిన నోటు దొరకడం చూసి అక్కడున్న వారంతా అవాక్కయ్యారు. వెంటనే కొందరు ఆ నోటును ఫొటో తీసి నెట్టింట షేర్ చేయడంతో.. అది కాస్తా ఇప్పుడు సోషల్ మీడియాలో తెగ వైరల్ అవుతోంది.
ఈ ఫొటో చూసిన నెటిజన్లు రకరకాలుగా స్పందిస్తున్నారు.. “ఇదేమి కోరిక సామీ.. దేవుడికి కూడా ఇలాంటి టాస్క్లు ఇస్తున్నారా?” అని కొందరు ఆశ్చర్యపోతున్నారు.
“అత్తాకోడళ్లు / అల్లుళ్ల పంచాయితీ పీక్స్కి చేరి, ఏకంగా దేవుడి దాకా వెళ్లిందా?” అంటూ మరికొందరు సరదాగా కామెంట్లు పెడుతున్నారు.
ఏది ఏమైనా.. కుటుంబ కలహాలు, అత్తల పట్ల ఉన్న అసహనం ఇలా హుండీ నోట్ల ద్వారా బయటపడటం ఇప్పుడు నెట్టింట హాట్ టాపిక్గా మారింది!
ఇది కూడా చదవండి..: Sai Krishna Missing Case | సాయికృష్ణ మిస్సింగ్ కేసు.. సీఐ నాగరాజుపై కేసు నమోదు
