అక్షరటుడే వెబ్డెస్క్: Tribal University Convocation | ఆంధ్రప్రదేశ్లోని విశాఖపట్నంలో సెంట్రల్ ట్రైబల్ యూనివర్సిటీ (కేంద్రీయ గిరిజన విశ్వవిద్యాలయం) ప్రథమ స్నాతకోత్సవం ఘనంగా జరిగింది. ఈ చారిత్రక కార్యక్రమానికి భారత రాష్ట్రపతి ద్రౌపదీ ముర్ము ( Droupadi Murmu )ముఖ్య అతిథిగా విచ్చేశారు. ఉన్నత విద్య పూర్తి చేసుకుని నూతన జీవితంలోకి అడుగుపెడుతున్న విద్యార్థులకు ఆమె పట్టాలను ప్రదానం చేశారు.
Tribal University Convocation | ప్రతిభకు పట్టాభిషేకం..
ఈ ప్రదానోత్సవంలో డిగ్రీ, పీజీ పూర్తి చేసిన మొత్తం 373 మంది విద్యార్థులకు రాష్ట్రపతి పట్టాలను అందజేశారు. విద్యాభ్యాసంలో అత్యుత్తమ ప్రతిభను ప్రదర్శించిన 13 మంది విద్యార్థులకు బంగారు పతకాలను (Gold Medals) బహూకరించి అభినందించారు.
Tribal University Convocation | వికసిత్ భారత్ మహాసంకల్పం..
భారతదేశాన్ని అభివృద్ధి చెందిన దేశంగా తీర్చిదిద్దాలన్న ‘వికసిత్ భారత్’ లక్ష్య సాధనలో యువతే కీలకమైన శక్తి” అని రాష్ట్రపతి స్పష్టం చేశారు. తమ నైపుణ్యాలు, వినూత్న ఆలోచనలతో దేశ ప్రగతికి యువత బాటలు వేయాలని ఆమె పిలుపునిచ్చారు. నాణ్యమైన విద్య కేవలం డిగ్రీలకే పరిమితం కాదని, అది వ్యక్తి జీవితాన్ని సామాజికంగా, ఆర్థికంగా ఉన్నత స్థితికి చేర్చే ఒక శక్తివంతమైన సాధికారత ఆయుధమని ఆమె పేర్కొన్నారు.
Tribal University Convocation | ప్రపంచంతో పోటీ పడాలని..
మన దేశానికి మూలస్తంభాల వంటి గిరిజన సంప్రదాయాలను, సంస్కృతిని కాపాడుకోవాల్సిన బాధ్యత అందరిపై ఉందని గుర్తుచేశారు. అదే సమయంలో, మారుతున్న కాలానికి అనుగుణంగా గిరిజన విద్యార్థులు ఆధునిక సాంకేతికతను (Modern Technology) అందిపుచ్చుకుని ప్రపంచంతో పోటీ పడాలని రాష్ట్రపతి ఆకాంక్షించారు.
ఇది కూడా చదవండి: Kamareddy Moram Mining | పట్టపగలే దర్జాగా మొరం తవ్వకాలు.. పట్టించుకోని రెవెన్యూ, మైనింగ్ శాఖ అధికారులు
