అక్షరటుడే, వెబ్డెస్క్ : Ferrari Car Crash | హైదరాబాద్ (Hyderabad) నగరంలో ఫెరారీ స్పోర్ట్స్ కారు బీభత్సం సృష్టించింది. అతివేగంగా దూసుకొచ్చి ఓ ఇంటి గేటును ఢీకొంది. ఈ ఘటనలో కారు ముందు భాగం ధ్వంసమైంది.
ఫిలింనగర్ (Film Nagar)లో సైట్-2, రోడ్ నంబర్ 5లోని హిల్ వ్యూ అపార్ట్మెంట్ గేటును ఆదివారం తెల్లవారుజామున 4 గంటలకు ఫెరారీ కారు ఢీకొంది. ఓవర్ స్పీడ్తో ఈ ప్రమాదం జరిగినట్లు పోలీసులు అనుమానిస్తున్నారు. ప్రమాద సమయంలో కారులోని యువకులు మద్యం మత్తులో ఉన్నట్లు సమాచారం. ఈ ఘటనలో వారికి ఎలాంటి గాయాలు కాలేదు. దీంతో కారును అక్కడే వదిలేసి వారు పారిపోయారు.
Ferrari Car Crash | స్టేషన్కు తరలింపు
గేటును ఢీకొనడంతో ఫెరారీ కారు ముందు భాగం ధ్వంసమైంది. ప్రమాద సమయంలో కారు స్పీడ్ 120 కి.మీ. దాటొచ్చని సమాచారం. పోలీసులు ఘటన స్థలానికి చేరుకొని పరిశీలించారు. క్రేన్ సాయంతో కారును పోలీసు స్టేషన్కు తరలించారు. కేసు నమోదు చేసుకొని దర్యాప్తు చేస్తున్నారు. కాగా నగరంలో ఇటీవల లగ్జరీ కార్లతో కొందరు యువకులు బీభత్సం సృష్టిస్తున్నారు. ముఖ్యంగా బడా బాబుల పిల్లలు ఖరీదైన కార్లతో రోడ్లపై రయ్యుమని దూసుకెళ్తున్నారు. మద్యం మత్తులో అతివేగంగా వెళ్తూ..ప్రమాదాలకు కారణం అవుతున్నారు. ఖరీదైన కార్లు కావడంతో ప్రమాదాలు జరిగినా అందులోని వారికి ఏమి కావడం లేదు. అయితే వారి మూలంగా అమాయకులు ప్రాణాలు కోల్పోతున్నారు.
దీనిని కూడా చదవండి : Kaleshwaram Project Restoration | తెలంగాణ సర్కారు కీలక నిర్ణయం.. కాళేశ్వరం ప్రాజెక్టుకు పునరుద్ధరణ పనులు!
