అక్షరటుడే, వెబ్డెస్క్ : Mohammad Nawaz Ban | పాకిస్థాన్ (Pakistan) క్రికెట్ జట్టుకు షాక్ తగిలింది. ఆ దేశ స్టార్ ఆల్రౌండర్ మహమ్మద్ నవాజ్పై అంతర్జాతీయ క్రికెట్ కౌన్సిల్ (ICC) నిషేధం విధించింది.
డోపింగ్ నిరోధక నిబంధనలను ఉల్లంఘించినందుకు మహమ్మద్ నవాజ్పై మూడు నెలల నిషేధం విధించినట్లు ఐసీసీ శుక్రవారం తెలిపింది. నవాజ్ స్వచ్ఛందంగా తాత్కాలిక నిషేధాన్ని ప్రారంభించిన తేదీ అయిన 2026 మే 1 నుండే ఈ నిషేధం అమల్లోకి వచ్చినట్లుగా ఓ ప్రకటనలో పేర్కొంది. నవాజ్ తన తప్పును అంగీకరించాడని, ఆ నిషేధిత పదార్థాన్ని పోటీకి దూరంగా ఉన్న సమయంలో, క్రీడా ప్రదర్శనతో సంబంధం లేని సందర్భంలో ఉపయోగించినట్లు ఒప్పుకున్నాడని ఐసీసీ తెలిపింది.
Mohammad Nawaz Ban | టీ 20 ప్రపంచ కప్లో..
శ్రీలంకలోని కొలంబోలో ఫిబ్రవరి 7న నెదర్లాండ్స్తో జరిగిన T20 ప్రపంచ కప్ (World Cup) మ్యాచ్ తర్వాత నిర్వహించిన డోపింగ్ పరీక్ష నవాజ్ ‘సబ్స్టాన్స్ ఆఫ్ అబ్యూజ్’ విషయంలో పాజిటివ్గా తేలాడు. నవాజ్ శిక్షను అంగీకరించడంతో పాటు పునరావాస కార్యక్రమానికి కట్టుబడి ఉన్నందున, “రెండున్నర నెలల పాటు నిషేధాన్ని అనుభవించిన తర్వాత అతని తాత్కాలిక నిషేధాన్ని ఎత్తివేశారు” అని ICC తెలిపింది. నవాజ్ ఆ పునరావాస కార్యక్రమాన్ని పూర్తి చేస్తే, మూడు నెలల అనర్హత కాలంలో మిగిలిన అర నెల శిక్షను అతను అనుభవించాల్సిన అవసరం ఉండదు.
Mohammad Nawaz Ban | 150 వికెట్లు
నవాజ్ పాకిస్థాన్ తరఫున వైట్-బాల్ క్రికెట్లో రాణించాడు. T20 ప్రపంచ కప్లోని మొత్తం ఏడు మ్యాచ్లలో ఆడాడు. ఆరు టెస్ట్ మ్యాచ్లు ఆడాడు. 44 వన్డేలు (ODIs), 98 T20లలో కలిపి 150 వికెట్లు పడగొట్టాడు. అలాగే, T20లలో 911, వన్డేలలో 538 పరుగులు చేశాడు.
దీనిని కూడా చదవండి : Kedarnath Landslide | కేదార్నాథ్లో విరిగిపడ్డ కొండచరియలు
