అక్షరటుడే వెబ్డెస్క్: National Chemistry Day | ముంబైలో గోద్రెజ్ ఇండస్ట్రీస్ గ్రూప్ (GIG) ఆధ్వర్యంలో మూడో విడత ‘నేషనల్ కెమిస్ట్రీ డే సమ్మిట్’ ఘనంగా జరిగింది. “కొత్త యుగంలో సుస్థిరత – Staying Resilient in a New Age World” అనే ప్రధాన థీమ్తో జరిగిన ఈ సమ్మిట్కు గోద్రెజ్ ఇండస్ట్రీస్ (కెమికల్స్), అటెక్ లైఫ్సైన్సెస్ సంస్థలు సంయుక్తంగా ఆతిథ్యం ఇచ్చాయి. కెమికల్ ఇండస్ట్రీ ఎదుర్కొంటున్న మార్కెట్ మార్పులు, సరఫరా గొలుసు సవాళ్లు, సాంకేతిక మార్పులు , సుస్థిర అభివృద్ధిపై ఈ వేదికపై విస్తృతంగా చర్చించారు.
National Chemistry Day | సహకారంతోనే భవిష్యత్తు..
కేవలం వ్యక్తిగత కంపెనీలుగా కాకుండా, మొత్తం కెమికల్ ఇండస్ట్రీ ఒకరికొకరు సహకరించుకుంటూ ముందుకు సాగాలని గోద్రెజ్ ఇండస్ట్రీస్ (కెమికల్స్) ఈడీ & సీఈఓ విశాల్ శర్మ పిలుపునిచ్చారు. భవిష్యత్తు సవాళ్లను ఎదుర్కొనేందుకు పరిశ్రమల మధ్య బలమైన భాగస్వామ్యం అవసరమని ఆయన నొక్కిచెప్పారు.
National Chemistry Day | మొదటి ప్యానెల్ చర్చ..
‘ఎంటర్ప్రైజ్ దాటి సుస్థిరత: భవిష్యత్తుకు సిద్ధంగా ఉన్న కెమికల్ పరిశ్రమ’ అనే అంశంపై ప్రత్యేక ప్యానెల్ చర్చ జరిగింది. క్రోడా, బాస్ఫ్ ఇండియా, ఇండియన్ ఆయిల్ కార్పొరేషన్ ప్రతినిధులు ఇందులో పాల్గొని.. పరిశోధన, అభివృద్ధి (R&D), మౌలిక వసతులు , విలువైన సరఫరా గొలుసు భాగస్వామ్యాల ద్వారా భారతీయ కెమికల్ రంగాన్ని బలోపేతం చేయాల్సిన అవసరంపై చర్చించారు.
‘వ్యాపార వృద్ధి, పోటీతత్వం , అజిలిటీ’ అంశంపై జరిగిన రెండో ప్యానెల్లో యూపీఎల్, బిర్లా ఓపస్, ఇన్నోవిస్ట్ ప్రతినిధులు పాల్గొన్నారు. ఉద్యోగుల నైపుణ్యాభివృద్ధి, కస్టమర్ల అవసరాలు, వేగవంతమైన ఆవిష్కరణలు , దీర్ఘకాలిక R&D ల మధ్య సమతుల్యత ప్రాముఖ్యతను వారు వివరించారు.
National Chemistry Day | ఆర్టిఫిషియల్ ఇంటెలిజెన్స్ ..
రసాయన పరిశ్రమలో ఆర్టిఫిషియల్ ఇంటెలిజెన్స్ (AI) పాత్రపై బెయిన్ & కంపెనీ భాగస్వామ్యంతో ప్రత్యేక కీనోట్ సెషన్ నిర్వహించారు. అలాగే గ్రీన్ కెమిస్ట్రీ వైపు మారుతున్న ధోరణులు, పరిశ్రమకు నూతన ప్రతిభను ఆకర్షించి నిలబెట్టుకోవడం (టాలెంట్ ఇంపెరేటివ్) వంటి కీలక అంశాలపై నిపుణులు చర్చించారు. మారుతున్న ప్రపంచ మార్కెట్ డిమాండ్లకు అనుగుణంగా భారతీయ కెమికల్ పరిశ్రమను మరింత ఆధునీకరించడం ఈ సమ్మిట్ ప్రధాన ఉద్దేశం.
ఇది కూడా చదవండి: Allu Arjun Forbes | బన్నీ క్రేజ్కు మరో కిరీటం.. ఫోర్బ్స్ ఇండియా కవర్పై అల్లు అర్జున్!
