అక్షరటుడే, వెబ్డెస్క్: Priya Adhikari Rescue | ప్రకృతి విపత్తు సమయంలో ప్రాణాలను కాపాడేందుకు సాహసోపేతంగా ముందుకు వచ్చారు నేపాల్ Nepal కు చెందిన తొలి మహిళా హెలికాప్టర్ కెప్టెన్ ప్రియా అధికారి (40). వరుసగా ఆరు రోజుల పాటు నిర్విరామంగా సహాయక చర్యల్లో పాల్గొన్న ఆమె.. దాదాపు 100 రెస్క్యూ మిషన్లు నిర్వహించి వందలాది మంది ప్రాణాలను కాపాడారు.
Priya Adhikari Rescue | హెలికాప్టర్ ద్వారా సహాయక చర్యలు
విపత్తు కారణంగా కొండ ప్రాంతాల్లో రాకపోకలు స్తంభించడంతో బాధితులను చేరుకోవడం సవాలుగా మారింది. అయినప్పటికీ ప్రియా అధికారి ఏమాత్రం వెనుకడుగు వేయలేదు. ఎత్తైన పర్వత ప్రాంతాలతో పాటు బురదమయమైన, ఇరుకైన మార్గాల్లోనూ హెలికాప్టర్ ద్వారా సహాయక చర్యలు చేపట్టారు. ప్రమాదకర పరిస్థితులను ఎదుర్కొంటూనే బాధితులను సురక్షిత ప్రాంతాలకు తరలించడంలో కీలక పాత్ర పోషించారు.
Lionel Messi Retirement | ఒక శకం ముగిసింది: అంతర్జాతీయ ఫుట్బాల్కి లియోనెల్ మెస్సీ గుడ్బై
గంటల తరబడి విమానాలు నడుపుతూ, అలసటను సైతం లెక్కచేయకుండా సహాయక చర్యల్లో పాల్గొన్న ప్రియా.. ఆపదలో ఉన్నవారికి అండగా నిలిచారు. ఆమె చూపిన ధైర్యం, అంకితభావం పలువురి ప్రశంసలు అందుకుంటోంది.
Priya Adhikari Rescue | ఎందరికో స్ఫూర్తి..
‘‘ఇలాంటి విపత్తును నా జీవితంలో ఎప్పుడూ చూడలేదు. పరిస్థితులు ఎంత క్లిష్టంగా ఉన్నా ప్రజలను రక్షించాలనే లక్ష్యంతో పనిచేశాం’’ అని ప్రియా అధికారి పేర్కొన్నారు.
ఆరు రోజుల్లో దాదాపు 100 రెస్క్యూ మిషన్లు నిర్వహించడం ద్వారా ప్రియా అధికారి సాహసానికి, సేవాభావానికి ప్రతీకగా నిలిచారు. విపత్తు వేళ ఆమె చూపిన తెగువ, బాధ్యతాయుతమైన విధి నిర్వహణ ఎందరికో స్ఫూర్తిగా మారింది.
