అక్షరటుడే వెబ్డెస్క్: LEGO Hyderabad Store | ప్రపంచ ప్రఖ్యాత బొమ్మల బ్రాండ్ అయిన ‘లెగో గ్రూప్’ (Lego Group) హైదరాబాద్లోని ఇనార్బిట్ మాల్లో నగరపు మొట్టమొదటి ‘లెగో సర్టిఫైడ్ స్టోర్’ను ఘనంగా ప్రారంభించింది. ఈ ఏడాది ముంబై, బెంగళూరులలో స్టోర్లను ఏర్పాటు చేసిన అనంతరం, భారతదేశంలో ప్రారంభమైన ఎనిమిదవ లెగో స్టోర్ ఇదే కావడం విశేషం. అంతేకాకుండా, 2026 సంవత్సరంలో ప్రారంభమైన నాల్గవ స్టోర్గా ఇది నిలిచింది. ఆంపిల్ గ్రూప్ భాగస్వామ్యంతో సుమారు 3,500 చదరపు అడుగుల విస్తీర్ణంలో ఏర్పాటు చేసిన ఈ స్టోర్, హైదరాబాద్లోని లెగో అభిమానులకు సరికొత్త ఆటల అనుభూతిని అందించనుంది.
LEGO Hyderabad Store | ప్రత్యేక ఆకర్షణగా..
ఈ ప్రారంభోత్సవ వేడుకకు ముఖ్య అతిథిగా విచ్చేసిన ప్రముఖ టాలీవుడ్ నటుడు రానా దగ్గుబాటి ( Rana Daggubati )స్టోర్ను ప్రారంభించి, ప్రత్యేక మొజాయిక్ను ఆవిష్కరించారు. మాస్టర్ బిల్డర్ రీతమ్ భట్నాగర్ సుమారు 49,200 లెగో బ్రిక్స్ను ఉపయోగించి ఈ కళాఖండాన్ని రూపొందించారు. చార్మినార్, హుస్సేన్ సాగర్, ఇరానీ చాయ్ స్టాల్ వంటి హైదరాబాద్లోని ప్రసిద్ధ మైలురాళ్లను ప్రతిబింబించేలా దీన్ని తయారు చేశారు. ఈ స్టోర్లో 750కి పైగా లెగో సెట్లు, ‘పిక్-ఎ-బ్రిక్’ వాల్, , ‘బిల్డ్-ఎ-మినీ’ స్టేషన్లతో పాటు మొత్తం 250 రకాల విభిన్న సెట్లు అందుబాటులో ఉన్నాయి.
LEGO Hyderabad Store | అద్భుతమైన వేదిక..
బ్లాక్బస్టర్ సినిమాలకు నిలయమైన హైదరాబాద్లోని ప్రజల సృజనాత్మకతను ప్రోత్సహించేలా ఈ స్టోర్ను ప్రత్యేకంగా తీర్చిదిద్దారు. పిల్లలు, పెద్దలు కుటుంబ సమేతంగా వచ్చి కొత్త విషయాలు నేర్చుకోవడానికి, సరదాగా గడపడానికి ఇది సరైన వేదిక. లెగో ఇండియా కంట్రీ మేనేజర్ భావన మండన్, ఆంపిల్ గ్రూప్ సీఈఓ రాజేష్ నారంగ్, ఇనార్బిట్ మాల్ సీఈఓ రజనీష్ మహాజన్ తదితరులు మాట్లాడుతూ.. హైదరాబాద్ ప్రజల ఉత్సాహానికి ఈ స్టోర్ చక్కటి వేదికగా మారుతుందని ఆశాభావం వ్యక్తం చేశారు.
ఇది కూడా చదవండి: Tirumala Brahmotsavam | స్వర్ణరథంపై విహరించిన శ్రీవారు
