అక్షరటుడే వెబ్‌డెస్క్: Dr Swapna Shanbhag | హైదరాబాద్‌లోని ( Hyderabad ) మాదాపూర్‌లో ప్రముఖ ‘మ్యాక్సివిజన్ సూపర్‌ స్పెషాలిటీ కంటి ఆసుపత్రి’కి చెందిన ప్రముఖ కార్నియా, కటరాక్ట్ , రిఫ్రాక్టివ్ సర్జన్ డాక్టర్ స్వప్న షణ్భాగ్ అరుదైన ఘనత సాధించారు. స్టాన్‌ఫోర్డ్ యూనివర్సిటీ-ఎల్సేవియర్ (Stanford University–Elsevier) ప్రకటించిన ప్రపంచంలోని అత్యుత్తమ టాప్ 2 శాతం శాస్త్రవేత్తల జాబితాలో ఆమె ఆప్తాల్మాలజీ విభాగంలో వరుసగా మూడో ఏడాది చోటు దక్కించుకున్నారు.
Dr Swapna Shanbhag | వైద్య పరిశోధనలకు ..
కంటి వైద్య రంగంలో డాక్టర్ స్వప్న షణ్భాగ్ అందిస్తున్న నిరంతర పరిశోధనలకు, సేవలకు ఈ గుర్తింపు నిదర్శనంగా నిలుస్తుంది. కేవలం క్లినికల్ ప్రాక్టీస్‌కే పరిమితం కాకుండా, కంటి సంబంధిత సమస్యలపై అవగాహన కల్పిస్తూ మెరుగైన చికిత్స విధానాలపై ఆమె చేస్తున్న రీసెర్చ్ వైద్య రంగానికి ఎంతగానో దోహదపడుతోంది.
Dr Swapna Shanbhag | ఆసుపత్రికి తలమానికం..
వరుసగా మూడేళ్లపాటు ప్రపంచ స్థాయి శాస్త్రవేత్తల జాబితాలో స్థానం సంపాదించడం ద్వారా ఆమె వృత్తిపరమైన ప్రతిభ మరోసారి నిరూపితమైంది. ఈ వేదికగా మ్యాక్సివిజన్ ఆసుపత్రి వైద్యుల నైపుణ్యాన్ని, పరిశోధనలకు ఇస్తున్న ప్రాధాన్యతను ఈ ఘనత మరింత చాటిచెబుతోంది.
ఇది కూడా చదవండి: Vangaveeti Radha | జనసేనలో చేరిన వంగవీటి రాధా
