అక్షరటుడే వెబ్‌డెస్క్: Godrej Professional Majeste | ప్రముఖ బ్యూటీ బ్రాండ్ ‘గొడ్రెజ్ ప్రొఫెషనల్’ (Godrej Professional) పండుగ సీజన్‌ను పురస్కరించుకుని ‘మెజెస్టే’ (Majeste) పేరిట సరికొత్త హెయిర్ కలర్ కలెక్షన్‌ను మార్కెట్లోకి విడుదల చేసింది. అమ్మోనియా రహిత టెక్నాలజీ ‘డైమెన్షన్’ (Dimension) సాయంతో రూపుదిద్దుకున్న ఈ కొత్త కలెక్షన్ ద్వారా విలువైన రత్నాలు, రాజసం నుంచి ప్రేరణ పొందిన మూడు విభిన్న షేడ్స్‌ను సెలూన్లకు పరిచయం చేసింది.
Godrej Professional Majeste | ఆకర్షణీయమైన రంగులు..
ఈ కలెక్షన్‌లో భాగంగా ఫ్లోరెన్స్ గోల్డ్ (బ్రౌన్ గోల్డ్ టోన్), రోమన్ ఎంబర్ (కాపర్ బ్రౌన్ షేడ్), ప్యారిసియన్ రూజ్ (రెడ్డిష్ బ్రౌన్ షేడ్) అనే మూడు ప్రత్యేకమైన రంగులను అందుబాటులోకి తెచ్చారు. ఇవి వినియోగదారులకు మరింత విలాసవంతమైన, ట్రెండీ లుక్‌ను అందిస్తాయి.
Godrej Professional Majeste | సెలూన్ నిపుణులకు శిక్షణ..
ఈ కొత్త కలెక్షన్‌ను సెలూన్లలో సమర్థవంతంగా అమలు చేసేందుకు గొడ్రెజ్ ప్రొఫెషనల్ నాలుగు రాష్ట్రాల్లో ప్రత్యేక వర్క్‌షాప్‌లు నిర్వహించింది. నేషనల్ టెక్నికల్ హెడ్ శైలేష్ మూల్యా ఆధ్వర్యంలో జరిగిన ఈ శిక్షణా తరగతుల్లో 700 మందికి పైగా హెయిర్ స్టైలిస్టులకు అంతర్జాతీయ కలరింగ్ టెక్నిక్స్‌పై శిక్షణ ఇచ్చారు.
Godrej Professional Majeste | డిమాండ్‌కు తగ్గట్టుగా..
పండుగ సీజన్లలో సెలూన్లకు విపరీతంగా పెరిగే రద్దీని దృష్టిలో ఉంచుకుని కస్టమర్లకు అత్యుత్తమ సేవలు అందించేందుకే ఈ కొత్త ఉత్పత్తులను తీసుకొచ్చినట్లు సంస్థ తెలిపింది. భారతదేశవ్యాప్తంగా ఉన్న ప్రముఖ సెలూన్లలో ఈ మెజెస్టే కలెక్షన్ అందుబాటులో ఉంది.
ఇది కూడా చదవండి: Vangaveeti Radha | జనసేనలో చేరిన వంగవీటి రాధా
