అక్షరటుడే, వెబ్డెస్క్: India vs Japan | జపాన్తో జరిగిన ఏకైక టీ20లో భారత్ విజయం సాధించింది. వెట్ అవుట్ ఫీల్డ్ కారణంగా 5 ఓవర్లకు కుదించిన మ్యాచ్లో 2 పరుగుల తేడాతో ఇండియా గెలిచింది.
జపాన్తో జరిగిన మ్యాచ్ను వర్షం కారణంగా ఐదు ఓవర్లకు కుదించారు. టాస్ గెలిచి బ్యాటింగ్ ఎంచుకున్న భారత్కు ఆదిలోనే ఎదురుదెబ్బ తగిలింది. ఓపెనర్ అభిషేక్ శర్మ (Abhishek Sharma) డక్ అవుట్ అయ్యాడు. సంజు శాంసన్ 9 పరుగులు, ఇషాన్ కిషన్ 3 పరుగులకే వెనుతిరిగారు. కెప్టెన్ శ్రేయాస్ అయ్యార్ 16 పరుగులు చేశాడు. దీంతో భారత్ 5 ఓవర్లలో 4 వికెట్లు కోల్పోయి 32 పరుగులు చేసింది.
India vs Japan | అక్షర్ పటేల్ మాయాజాలం
స్వల్ప లక్ష్యంతో బరిలోకి దిగిన జపాన్ స్కోర్ను చేధించేలా కనిపించింది. అయితే అక్షర్ పటేల్ మాయాజాలం చేశాడు. తొలి ఓవర్లో రెండు పరుగులు మాత్రమే ఇచ్చాడు. ఆ ఓవర్ రన్ అవుట్ రూపంలో భారత్కు వికెట్ దక్కింది. వాషింగ్టన్ సుందర్ 2 ఓవర్లు వేసి 13 పరుగులు ఇయ్యడంతో పాటు 2 వికెట్లు తీశాడు. చివరి ఓవర్లో జపాన్ గెలుపు కోసం 8 పరుగులు అవసరం అయిన సమయంలో అక్షర్ కట్టుదిట్టంగా బౌలింగ్ చేసి భారత్కు విజయం అందించాడు. ఆఖరి ఔవర్లో కేవలం 5 పరుగులు ఇవ్వడంతో భారత్ రెండు పరుగుల తేడాతో గెలిచింది.
ఇది కూడా చదవండి..: India Women Gold Medal | ఆసియా గేమ్స్ ఫైనల్లో ఘన విజయం.. భారత్ ఖాతాలో తొలి పసిడి
