అక్షరటుడే, నిజామాబాద్ సిటీ: Chakali Ailamma Tribute | బీసీల నిప్పుకణిక చాకలి ఐలమ్మ అని.. మహిళా లోకానికే కాకుండా యావత్ తెలంగాణ (Telangana)కు స్పూర్తినిచ్చిన ధీశాలి అని బీసీ సంక్షేమ సంఘం జిల్లా అధ్యక్షుడు నరాల సుధాకర్ పేర్కొన్నారు. వినాయక్నగర్లోని హనుమాన్ జంక్షన్ వద్ద మహనీయుల పార్కులో ఉన్న చాకలి ఐలమ్మ విగ్రహానికి శనివారం ఘననివాళులు అర్పించారు.
Chakali Ailamma Tribute | బీసీలు మేల్కోవాలి..
బీసీలు తిరగబడితే దేన్నైనా సాధించవచ్చని ఐలమ్మ చరిత్రే నిదర్శనమని సుధాకర్ అన్నారు. దున్నేవాడిదే భూమి అనే నినాదంకు జన్మనిచ్చిన తల్లి ఐలమ్మ అని అన్నారు. ఇప్పటికైనా బీసీలు మేలుకొని తమను తాము పరిపాలించుకోవాలని బీసీ సంక్షేమ సంఘం పిలుపునిచ్చిందన్నారు. ఆరోజు దేశ్ముఖ్లను, రజాకార్లకు పరిగెత్తించిన ఐలమ్మ వీరత్వాన్ని వారసత్వంగా బీసీలు ఎంచుకుని ముందుకు సాగాలని అన్నారు. ఈ కార్యక్రమంలో నరాల సుధాకర్, ఆకుల ప్రసాద్, దర్శనం దేవేందర్, కొయ్యాడ శంకర్, కరిపె రవీందర్, అపర్ణ, చంద్రకాంత్, సాయి బసవ, బాలయ్య, శ్రీనివాస్, గంగాధర్, సురేందర్, అనిల్ సత్యనారాయణ, అంకంరావు పాల్గొన్నారు.
ఇది కూడా చదవండి..: SGF Archery Selections | ఎస్జీఎఫ్ ఆర్చరీ జిల్లా స్థాయి సెలక్షన్స్ ప్రారంభం
