అక్షరటుడే, వెబ్డెస్క్: Russia Ukraine Ceasefire | అమెరికా అధ్యక్షుడు డొనాల్డ్ ట్రంప్ (Donald Trump) కీలక ప్రకటన చేశారు. రష్యా, ఉక్రెయిన్ ఎనర్జీ సీజ్ ఫైర్కు అంగీకరించాయని తెలిపారు.
ఏళ్లుగా సాగుతున్న రష్యా–ఉక్రెయిన్ యుద్ధంతో ఆ దేశాలు తీవ్రంగా నష్టపోతున్నాయి. మరోవైపు ప్రపంచంలో సంక్షోభం నెలకొంది. ఈ క్రమంలో యుద్ధం ముగింపు కోసం భారత్ సహా పలు దేశాలు ప్రయత్నిస్తున్నాయి. ఈ క్రమంలో తాజాగా ట్రంప్ కీలక ప్రకటన చేశారు. రష్యా, ఉక్రెయిన్ మధ్య యుద్ధంలో తక్షణమే ఇంధన కాల్పుల విరమణ అమల్లోకి వచ్చిందన్నారు. ఈ కాల్పుల విరమణకు ఇరు పక్షాలు అంగీకరించాయని తెలిపారు. అయితే ఈ ఒప్పందం వివరాలను ఆయన వెల్లడించలేద.
Russia Ukraine Ceasefire | ఎన్నికల కోసం..
ఉక్రెయిన్ అధ్యక్షుడు జెలెన్స్కీ ఓ ఇంటర్వ్యూలో మాట్లాడుతూ.. యుద్ధం నుంచి తమకు రెండు నెలల సమయం కావాలని కోరారు. దేశంలో అధ్యక్ష ఎన్నికలు నిర్వహించాలని ప్రజలు డిమాండ్ చేస్తున్నారు. ఈ క్రమంలో 60 రోజుల కాల్పుల విరమణ సమయం ఇస్తే ఎన్నికలు నిర్వహిస్తామన్నారు. ఈ విషయాన్ని రష్యా అధ్యక్షుడు పుతిన్కు చెప్పాలని కోరారు. ఈ క్రమంలో తాజాగా ట్రంప్ ప్రకటన చేశారు. అయితే దీనిపై రష్యా నుంచి ఎలాంటి ప్రకటన వెలువడలేదు.
దీనిని కూడా చదవండి : El Niño Effect | యాసంగిలో పంటలు వేయొద్దు.. మంత్రి పొంగులేటి సంచలన వ్యాఖ్యలు
