అక్షరటుడే, వెబ్డెస్క్ : Kalyan Jewellers Attapur | వ్యాపారాన్ని విస్తరించే క్రమంలో ప్రముఖ ఆభరణాల సంస్థ కల్యాణ్ జ్యువెలర్స్ హైదరాబాద్‌లోని అత్తాపూర్‌లో సరికొత్త షోరూమ్‌ను ప్రారంభించింది. సాంప్రదాయాన్ని సమకాలీన శైలితో అద్భుతంగా మిళితం చేస్తూ కస్టమర్లకు సరికొత్త కొనుగోలు అనుభవాన్ని అందించేలా ఈ షోరూమ్‌ను తీర్చిదిద్దారు.
Kalyan Jewellers Attapur | హైదరాబాద్‌లో 9వ షోరూమ్
భారతదేశంలోని అత్యంత విశ్వసనీయమైన జ్యువెలరీ బ్రాండ్లలో ఒకటైన కల్యాణ్ జ్యువెలర్స్, అత్తాపూర్ వేదికగా తన కొత్త షోరూమ్‌ను అక్టోబర్ 13, 2026న ప్రారంభించింది. విలాసవంతమైన వాతావరణం, విభిన్న రకాల సిగ్నేచర్ జ్యువెలరీ లైన్‌లతో కూడిన ఈ షోరూమ్ స్థానిక వినియోగదారులకు సాటిలేని షాపింగ్ అనుభూతిని ఇస్తుంది. ఈ ప్రారంభంతో హైదరాబాద్ (Hyderabad)లో ఇది 9వ షోరూమ్‌గా, తెలంగాణ వ్యాప్తంగా 12వ షోరూమ్‌గా నిలిచింది.
Kalyan Jewellers Attapur | కస్టమర్ల అభిరుచులకు తగినట్లుగా షాపింగ్ గమ్యస్థానం: రమేష్ కల్యాణరామన్
ఈ సందర్భంగా కల్యాణ్ జ్యువెలర్స్ ఎగ్జిక్యూటివ్ డైరెక్టర్ రమేష్ కల్యాణరామన్ మాట్లాడుతూ, అత్తాపూర్ షోరూమ్ కేవలం రిటైల్ స్పేస్ మాత్రమే కాదని, కస్టమర్ల ప్రత్యేక అభిరుచులకు తగినట్లు రూపొందించిన సమగ్ర షాపింగ్ గమ్యస్థానమని తెలిపారు. నిరంతర ఆవిష్కరణలు, అత్యుత్తమ సేవలు, పారదర్శకత మరియు నమ్మకం అనే శాశ్వత విలువలకు కట్టుబడి మెరుగైన అనుభవాన్ని అందించడమే తమ లక్ష్యమని ఆయన పేర్కొన్నారు.
Kalyan Jewellers Attapur | ఆకర్షణీయమైన లాంచ్ ఆఫర్లు, ప్రత్యేకతలు
ఈ ప్రారంభ వేడుకలను పురస్కరించుకుని కస్టమర్ల కోసం ప్రత్యేక ఆఫర్లను ప్రకటిచారు:
మేకింగ్ ఛార్జీలపై 30% వరకు తగ్గింపు లభిస్తుంది.
పాత బంగారం మార్పిడిపై 0% డిడక్షన్ (తగ్గింపు) వర్తిస్తుంది.
అన్ని కల్యాణ్ షోరూమ్‌లలో ఒకేలా ఉండే ప్రత్యేక గోల్డ్ బోర్డ్ రేటు మార్కెట్లో అత్యంత తక్కువగా ఉంటుందని సంస్థ తెలిపింది.
కల్యాణ్ 4-లెవెల్ అస్యూరెన్స్ మరియు సిగ్నేచర్ బ్రాండ్లు
ఈ షోరూమ్‌లో లభించే ప్రతి ఆభరణం బీఐఎస్ (BIS) హాల్‌మార్క్ కలిగి ఉండటంతో పాటు కఠినమైన స్వచ్ఛత పరీక్షల ద్వారా వస్తుంది. అలాగే సర్టిఫైడ్ బంగారం స్వచ్ఛత, ఉచిత లైఫ్‌టైమ్ మెయింటెనెన్స్, పూర్తి ఉత్పత్తి వివరాలు, సులభమైన ఎక్స్ఛేంజ్ మరియు బై-బ్యాక్ పాలసీలను హామీ ఇచ్చే ‘కల్యాణ్ 4-లెవెల్ అస్యూరెన్స్’ సర్టిఫికెట్‌ను కస్టమర్‌లు అందుకుంటారు.
దీంతోపాటు ముహురత్ (వెడ్డింగ్ జ్యువెలరీ), ముద్ర (హ్యాండ్‌క్రాఫ్టెడ్ యాంటిక్), నిమహ్ (టెంపుల్ జ్యువెలరీ), గ్లో (డాన్సింగ్ డైమండ్స్), జియా, అనోఖి, అపూర్వ, అంతార, హేరా, రంగ్ మరియు ఇటీవల ప్రారంభించిన ‘లీలా’ (కలర్డ్ స్టోన్స్ అండ్ డైమండ్ జ్యువెలరీ) వంటి ప్రముఖ హౌస్ బ్రాండ్లు అన్నీ ఈ షోరూమ్‌లో అందుబాటులో ఉంటాయి.
ఇది కూడా చదవండి..: Kachiguda Railway Station | కదులుతున్న రైలు ఎక్కుతూ పడిపోయిన వ్యక్తి.. కాపాడిన కానిస్టేబుల్
