అక్షరటుడే, వెబ్డెస్క్: Oct 14 Market Analysis | సెమీకండక్టర్ స్టాక్స్‌లో నష్టాలు కొనసాగుతుండడంతో మంగళవారం వాల్ స్ట్రీట్(Wallstreet) స్వల్ప నష్టాలతో ముగిసింది. ప్రధాన ఆసియా మార్కెట్లు పాజిటివ్‌గా ఉన్నా.. పశ్చిమాసియాలో ఉద్రిక్తతలు కొనసాగుతుండడంతో ఇంధన సరఫరాలపై ఆందోళనతో ముడిచమురు(Crude oil) ధరలు పెరుగుతున్నాయి. ఇది దేశీయ ఇన్వెస్టర్లను ఆందోళనకు గురిచేస్తోంది.
Oct 14 Market Analysis | యూఎస్ మార్కెట్లు..
గత సెషన్‌లో నాస్‌డాక్ 0.15 శాతం, ఎస్ అండ్ పీ 0.02 శాతం నష్టపోగా.. బుధవారం ఉదయం డౌజోన్స్ ఫ్యూచర్స్ 0.01 శాతం లాభంతో ఉంది.
Oct 14 Market Analysis | యూరోప్ మార్కెట్లు..
జర్మనీకి చెందిన డీఏఎక్స్ 0.07 శాతం, ఫ్రాన్స్‌కు చెందిన సీఏసీ 0.07 శాతం, యూకేకు చెందిన ఎఫ్టీఎస్ ఈ 0.06 శాతం పెరిగాయి.
Oct 14 Market Analysis | ఆసియా మార్కెట్లు..
ప్రధాన ఆసియా మార్కెట్లు లాభాలతో ఉన్నాయి. ఉదయం 7.50 గంటల ప్రాంతంలో సౌత్ కొరియాకు చెందిన కోస్పీ 1.40 శాతం, తైవాన్ స్టాక్ ఎక్స్ఛేంజ్ 1.08 శాతం, జపాన్‌కు చెందిన నిక్కీ 0.54 శాతం, చైనాకు చెందిన షాంఘై 0.10 శాతం, సింగపూర్‌కు చెందిన స్ట్రెయిట్ టైమ్స్ 0.06 శాతం లాభంతో ఉండగా.. హాంగ్‌కాంగ్‌కు చెందిన హాంగ్‌సెంగ్ 0.20 శాతం నష్టంతో కదలాడుతున్నాయి. గిఫ్ట్ నిఫ్టీ 0.39 శాతం నష్టంతో ఉండడంతో మన మార్కెట్లు నష్టాలతో ప్రారంభమయ్యే అవకాశాలున్నాయి.
గమనించాల్సిన అంశాలు..
- విదేశీ సంస్థాగత పెట్టుబడిదారులు వరుసగా 13వ సెషన్‌లోనూ నికర అమ్మకందారులుగా ఉన్నారు. నికరంగా రూ. 1,305 కోట్ల విలువైన స్టాక్స్ విక్రయించారు.
- డీఐఐలు వరుసగా 44 వ సెషన్‌లోనూ నికర కొనుగోలుదారులుగా ఉన్నారు. గత సెషన్‌లో నికరంగా రూ. 2,439 కోట్ల విలువైన స్టాక్స్ కొనుగోలు చేశారు.
- డాలర్‌తో రూపాయి మారకం విలువ 51 పైసలు బలపడి 95.28 వద్ద ఉంది.
- క్రూడ్ ఆయిల్ ధర బ్యారెల్‌కు 106.87 డాలర్ల వద్ద ఉంది.
- యూఎస్ డాలర్ ఇండెక్స్ 102.14 వద్ద, పదేళ్ల బాండ్ ఈల్డ్ 5.22 శాతం వద్ద ఉంది.
- నిఫ్టీ పుట్‌కాల్ రేషియో 0.73 నుంచి 1.16 కు పెరిగింది.
- విక్స్ 7.43 శాతం తగ్గి 14.12 వద్ద ఉంది.
