Indriya Diwali Campaign | దీపావళి వేళ ప్రేమను పంచేలా.. అదితిరావు – సిద్ధార్థ్ జంటతో ‘ఇంద్రియా’ ప్రత్యేక ప్రచారం!

అక్షరటుడే వెబ్‌డెస్క్: Indriya Diwali Campaign | దీపావళి అంటే కేవలం దీపాల కాంతులు, బాణసంచా శబ్దాలు మాత్రమే కాదు.. మనం ప్రేమించే వారితో ఆనందాన్ని పంచుకునే అద్భుతమైన వేడుక. ఈ పండుగ సీజన్‌ను మరింత అర్థవంతంగా మార్చేందుకు ఆదిత్య బిర్లా గ్రూప్‌నకు చెందిన ప్రముఖ జ్యువెలరీ బ్రాండ్ ‘ఇంద్రియా’ (Indriya) ఒక అందమైన ప్రచార చిత్రంతో ప్రేక్షకుల ముందుకు వచ్చింది. టాలీవుడ్ ప్రముఖ స్టార్ కపుల్ అదితిరావు హైదరీ, సిద్ధార్థ్  ( Siddharth )నటించిన ఈ తాజా యాడ్ ప్రస్తుతం అందరినీ ఆకట్టుకుంటోంది.

Indriya Diwali Campaign | ‘ఫెస్టివల్ ఆఫ్ లవ్’ ..

‘మేము నుండి మనం’ అనే ఇంద్రియ తత్వానికి అనుగుణంగా ప్రతి వేడుకకు కేంద్రంగా నిలిచే సంబంధాలను ఈ ప్రచారం అద్భుతంగా ఆవిష్కరించింది. ఇళ్లను అలంకరించడం, అతిథులను ఆహ్వానించడం, పూజా కార్యక్రమాలకు సిద్ధమవడం వంటి దీపావళి ఏర్పాట్ల హడావుడిలో జంటల మధ్య ఉండే చిన్న చిన్న ఆప్యాయతా క్షణాలు, సరదా సంభాషణలు తరచుగా మరుగునపడిపోతుంటాయి. ఆ నిశ్శబ్ద అనుబంధాలు, కలసి ఉండాలనే ఆకాంక్షలను తెరపై చాలా సహజంగా చూపించారు. ఏర్పాట్ల గందరగోళం మధ్య వారు పంచుకునే ఒక చిన్న హృద్యమైన క్షణం చూసి స్నేహితులు సరదాగా “ఇది దీపావళా? లేక వాలెంటైన్స్ డేనా?” అని అడగడం ఈ ప్రచారంలోని ప్రత్యేక ఆకర్షణగా నిలిచింది.

Indriya Diwali Campaign | కేవలం అలంకరణ కాదు..

ఇంద్రియా సీఈఓ సందీప్ కోహ్లీ , హెడ్ ఆఫ్ మార్కెటింగ్ శాంతి స్వరూప్ పాండా మాట్లాడుతూ.. పండుగ సీజన్ ఆభరణాల పరిశ్రమకు అత్యంత కీలకమని, వినియోగదారులతో మరింత లోతైన భావోద్వేగ అనుబంధాలను ఏర్పరచుకునేందుకు ఇది సరైన వేదికని పేర్కొన్నారు. కేవలం బాహ్య వైభవాన్ని మాత్రమే కాకుండా, దాని వెనుక ఉండే నిశ్శబ్ద ఆప్యాయతలను ఈ ప్రచారంలో హైలైట్ చేసినట్లు తెలిపారు. ఓగిల్వీవెస్ట్ క్రియేటివ్ హెడ్ తనుజా భట్ ఈ కాన్సెప్ట్ గురించి చెబుతూ, ప్రియమైన వారితో పంచుకునే చిన్న క్షణాలే పండుగను మరింత ప్రకాశవంతంగా మారుస్తాయని వెల్లడించారు.

Indriya Diwali Campaign | ‘పద్మికా’ కలెక్షన్..

ఈ దీపావళి పండుగ సందర్భంగా ఇంద్రియా సంస్థ ‘పద్మికా’ (Padmika) పేరుతో సరికొత్త జ్యువెలరీ కలెక్షన్‌ను ఆవిష్కరించింది. 22 క్యారెట్ల స్వచ్ఛమైన బంగారంతో రూపొందించిన ఈ కలెక్షన్ లక్ష్మీదేవి, సంపద, సమృద్ధి , శుభకరమైన ఆరంభాల ప్రతీకల నుంచి స్ఫూర్తి పొందింది. ఇందులో గులాబీ మీనాకారి (పింక్ ఎనామెల్) అనే సంప్రదాయ కళను పునరుద్ధరించారు. లక్ష్మీదేవి , పవిత్రమైన కమలం రూపాలను జోడించి అద్భుతమైన నెక్లెస్‌లు, చెవిరింగులు, గాజులు రూపొందించారు. భారతీయ సాంప్రదాయ మూలాంశాలను సమకాలీన డిజైన్ సెన్సిబిలిటీతో మిళితం చేసి, ఆధునిక వినియోగదారులకు తగినట్లుగా ఈ ఆభరణాలను తీర్చిదిద్దారు.

ఈ ప్రచారంలో అదితిరావు హైదరీ ధరించిన ‘పద్మికా’ ఆభరణాలు కేవలం అలంకరణగా మాత్రమే కాకుండా, జ్ఞాపకాలను సృష్టించే ఒక సజీవ సాధనంగా కథలో భాగమయ్యాయి. సాంస్కృతిక వైభవాన్ని, వ్యక్తిగత సాన్నిహిత్యాన్ని జోడిస్తూ రూపొందించిన ఈ ‘ఫెస్టివల్ ఆఫ్ లవ్’ ప్రచారం ప్రతి ఒక్కరి మనసును హత్తుకునేలా ఉంది.

ఇది కూడా చదవండి:  New Bar Applications | నూతన బార్ ఏర్పాటుకు దరఖాస్తుల ఆహ్వానం