అక్షరటుడే వెబ్‌డెస్క్: Mars Pet Adoption | పెంపుడు జంతువుల పెంపకాన్ని , వాటి బాధ్యతాయుత దత్తతను ప్రోత్సహించే లక్ష్యంతో ప్రముఖ ఆహార, పెట్ కేర్ ఉత్పత్తుల సంస్థ మార్స్ (Mars) తన ‘గ్లోబల్ అడాప్షన్ వీకెండ్ 2026’ను హైదరాబాద్‌కు ( Hyderabad )తీసుకువచ్చింది. ‘క్లియరింగ్ ది పాత్’ అనే వినూత్న థీమ్‌తో హైదరాబాద్‌లోని తమ ఫ్యాక్టరీ ప్రాంగణంలో ‘ఆస్రా’ (Aasra) , ‘బ్లూ క్రాస్ హైదరాబాద్’ ఎన్జీఓల భాగస్వామ్యంతో ప్రత్యేక దత్తత కార్యక్రమాన్ని నిర్వహించింది.
Mars Pet Adoption | లైవ్ దత్తత ..
ఈ కార్యక్రమం ద్వారా పెంపుడు జంతువులను దత్తత తీసుకోవాలనుకునే వారు నిరాశ్రయ జంతువులను నేరుగా కలుసుకునే అవకాశం లభించింది. మార్స్ చరిత్రలోనే తొలిసారిగా ఫ్యాక్టరీ వేదికగా ఓ కుక్కపిల్ల లైవ్ అడాప్షన్ ద్వారా మార్స్ ఉద్యోగి కుటుంబంలో చేరింది. అంతేకాకుండా, ఈ సందర్భంగా ఏర్పాటు చేసిన ‘పెయింట్ విత్ పప్పీస్’, ‘పెట్ యోగా’, ‘పెట్ ట్రివియా’ వంటి వినూత్న కార్యక్రమాలు, అడాప్షన్ ఇంటరాక్షన్ జోన్, సపోర్ట్ డెస్క్‌లు ఉద్యోగులను ఎంతగానో ఆకట్టుకున్నాయి.
నలుగురిలో ఒకరు దత్తతకు సుముఖం: మార్స్ సర్వే
14 దేశాల్లో అంతర్జాతీయ స్థాయి పరిశోధనలతో పాటు, భారతదేశంలో 18 ఏళ్లు పైబడిన 2,000 మందిపై సెన్సస్‌వైడ్ ద్వారా మార్స్ సంస్థ ప్రత్యేక సర్వే నిర్వహించింది.
దత్తతపై ఆసక్తి: ప్రస్తుతం పెంపుడు జంతువులు లేని యజమానుల్లో 25 శాతం మంది (నలుగురిలో ఒకరు) సరైన మార్గదర్శకత్వం, మద్దతు లభిస్తే దత్తత తీసుకోవడానికి సిద్ధంగా ఉన్నారని తేలింది.
సందేహాలు – సంకోచాలు: వైద్య చరిత్ర తెలియకపోవడం (34%), ప్రవర్తనా వైఖరి (23%), ఇంటి వాతావరణానికి అలవాటుపడతాయా అనే భయాలు (27%) దత్తతకు ప్రధాన అడ్డంకులుగా నిలుస్తున్నాయని వెల్లడైంది.
ఆహారపు మార్పులు: షెల్టర్ల నుండి దత్తత తీసుకున్న జంతువుల్లో 89 శాతం వాటి ఆహారపు అలవాట్లలో మార్పులు కోరుకుంటున్నాయని, వీటికి నిపుణుల సలహాలు ఎంతో కీలకమని సర్వే స్పష్టం చేసింది.
Mars Pet Adoption | నూతన ‘ఆన్‌లైన్ అడాప్షన్ హబ్’..
జంతువులను దత్తత తీసుకునే ప్రక్రియలో ఎదురయ్యే సందేహాలను నివృత్తి చేస్తూ, సరైన నిపుణుల సలహాలు అందించేందుకు మార్స్ ఒక నూతన ఆన్‌లైన్ అడాప్షన్ హబ్‌ను అందుబాటులోకి తెచ్చింది. ‘వాల్థమ్ పెట్ కేర్ సైన్స్ ఇన్స్టిట్యూట్’ అందించిన వనరుల ఆధారంగా రూపొందించిన ఈ వేదిక దత్తతకు ముందు, ఆ తర్వాత తీసుకోవాల్సిన జాగ్రత్తలపై యజమానులకు పూర్తి అవగాహన కల్పిస్తుంది.
Mars Pet Adoption | 56 శాతం మందికి ఆశ్రయం..
ప్రపంచవ్యాప్తంగా 42 శాతంతో పోలిస్తే, భారతదేశంలో 56 శాతం మంది రెస్క్యూ సెంటర్లు లేదా ఆశ్రయ కేంద్రాల ద్వారా జంతువులను దత్తత తీసుకుంటున్నారని మార్స్ పెట్ న్యూట్రిషన్ ఇండియా మేనేజింగ్ డైరెక్టర్ మనీష్ స్యాగ్ తెలిపారు. ఇది దేశంలో పెరుగుతున్న సానుకూల ధోరణికి నిదర్శనమని పేర్కొన్నారు. జంతు జనన నియంత్రణ (ABC), టీకాలు వేయడం, నిరాశ్రయ జంతువులకు ఆహారం పంపిణీ చేయడం ద్వారా జంతు సంక్షేమానికి మార్స్ నిరంతరం కృషి చేస్తోందని వివరించారు.
2026 నాటికి ఈ గ్లోబల్ అడాప్షన్ వీకెండ్ ప్రపంచవ్యాప్తంగా 30కి పైగా దేశాలకు విస్తరించి, వేలాది నిరాశ్రయ జంతువులకు ప్రేమపూర్వక ఇళ్లను అందిస్తోంది.
ఇది కూడా చదవండి: Seethakka Development Works | ప్రజా సంక్షేమమే ధ్యేయంగా ముందుకు సాగుతున్న ప్రభుత్వం
