అక్షరటుడే వెబ్‌డెస్క్: Amazon Electric Trucks | భారతదేశంలో పర్యావరణహిత రవాణా (గ్రీన్ లాజిస్టిక్స్) దిశగా ఈ-కామర్స్ దిగ్గజం అమెజాన్, ప్రముఖ వాహన తయారీ సంస్థ టాటా మోటార్స్ భారీ భాగస్వామ్యాన్ని ప్రకటించాయి. దేశవ్యాప్తంగా తమ రవాణా నెట్‌వర్క్‌లో 3,000 ఎలక్ట్రిక్ ట్రక్కులను ప్రవేశపెట్టనున్నట్లు వెల్లడించాయి. భారత ఈ-కామర్స్ చరిత్రలోనే ఒకేసారి ఇన్ని ఎలక్ట్రిక్ ట్రక్కులను మోహరించడం ఇదే తొలిసారి.
Amazon Electric Trucks |ఢిల్లీలో తొలి విడత ఫ్లాగ్ ఆఫ్..
ఢిల్లీలో ( Delhi )జరిగిన ప్రత్యేక కార్యక్రమంలో ఈ ఎలక్ట్రిక్ ట్రక్కుల తొలి విడతను కేంద్ర భారీ పరిశ్రమలు, ఉక్కు శాఖ మంత్రి హెచ్.డి. కుమారస్వామి, ఢిల్లీ రవాణా శాఖ మంత్రి డాక్టర్ పంకజ్ కుమార్ సింగ్, అమెజాన్ , టాటా మోటార్స్ ఉన్నతాధికారులు జెండా ఊపి ప్రారంభించారు. ఢిల్లీ ప్రభుత్వం ఇటీవల తెచ్చిన 2026 ఈవీ పాలసీకి అనుగుణంగా, ఈ ఇ-ట్రక్కులకు ప్రత్యేక ప్రోత్సాహకాలు లభించడంతో పాటు, నగరంలోకి 10 ఏళ్ల పాటు ఎప్పుడైనా రాకపోకలు సాగించే వెసులుబాటు దక్కుతుంది.
Amazon Electric Trucks | 2,800 కి.మీల కారిడార్ విద్యుదీకరణ..
అమెజాన్ తన మిడిల్-మైల్ (పెంపిణీ కేంద్రాల మధ్య) రవాణా కోసం టాటా మోటార్స్‌కు చెందిన తేలికపాటి, మధ్యస్థ శ్రేణి ఎలక్ట్రిక్ ట్రక్కులను (ఉదాహరణకు టాటా అల్ట్రా E.7) వినియోగించనుంది.
ఢిల్లీ – బెంగళూరు – చెన్నై కారిడార్: ఏడు రాష్ట్రాల మీదుగా ఆరు ప్రధాన ఈ-కామర్స్ హబ్‌లను అనుసంధానించే 2,800 కిలోమీటర్ల పొడవైన NH48 కారిడార్‌ను పూర్తిస్థాయిలో విద్యుదీకరించడం ఈ ప్రణాళిక ముఖ్య లక్ష్యం.
ఛార్జింగ్ హబ్‌లు: దీని కోసం యాహ్వీ (Yahwee) సంస్థతో కలిసి ప్రత్యేక ఛార్జింగ్ యార్డులను , మౌలిక వసతులను అభివృద్ధి చేస్తున్నారు.
Amazon Electric Trucks | నెట్-జీరో కార్బన్ లక్ష్యం..
0ప్రధానమంత్రి ‘పీఎం ఇ-డ్రైవ్’ (PM E-DRIVE) , ‘వికసిత్ భారత్ 2047’ లక్ష్యాలకు ఈ భాగస్వామ్యం పూర్తి మద్దతు ఇస్తుందని కేంద్ర మంత్రి కుమారస్వామి ఆశాభావం వ్యక్తం చేశారు. 2040 నాటికి నికర-సున్నా (Net-Zero) కార్బన్ ఉద్గారాలను సాధించాలనే లక్ష్యంలో భాగంగానే ఈ నిర్ణయం తీసుకున్నట్లు అమెజాన్ ప్రతినిధులు వెల్లడించారు. ఇప్పటికే దేశంలోని 500కు పైగా నగరాల్లో 15,000కు పైగా అమెజాన్ ఎలక్ట్రిక్ వాహనాలు సేవలు అందిస్తున్నాయి.
ఇది కూడా చదవండి: Seethakka Development Works | ప్రజా సంక్షేమమే ధ్యేయంగా ముందుకు సాగుతున్న ప్రభుత్వం
