అక్షరటుడే, వెబ్డెస్క్ : Vote Theft Allegations | ఓట్ల చోరీతోనే బీజేపీ ఎన్నికల్లో గెలుస్తోందని రాహుల్ గాంధీ ఆరోపించారు. ఆదివారం ఢిల్లీలోని రామ్లీలా మైదాన్లో నిర్వహించిన సభలో ఆయన మాట్లాడారు.
ప్రజాస్వామ్యాన్ని, రాజ్యాంగాన్ని కాపాడటమే తమ సంకల్పమని రాహుల్ అన్నారు. రాజ్యాంగమే అందరికంటే గొప్పదన్నారు. బెంగాల్, మధ్యప్రదేశ్, హర్యానా, ఛత్తీస్‌గఢ్, మహారాష్ట్ర, కర్ణాటకతో పాటు 2024 లోక్‌సభ ఎన్నికల్లోనూ ఓట్ల చోరీ జరిగిందని ఆరోపించారు. 2024 ఎన్నికల తర్వాత 13.5 కోట్ల మంది ఓటర్ల పేర్లను తొలగించారన్నారు. ఈ గణాంకాలపై ఎన్నికల సంఘం సమాధానం చెప్పాలని డిమాండ్ చేశారు.
Vote Theft Allegations | జ్ఞానేశ్కుమార్ రాజీనామా చేయాలి
జ్ఞానేశ్ కుమార్ ప్రధాన ఎన్నికల కమిషనర్ పదవి నుంచి తప్పుకోవాలని రాహుల్ గాంధీ అన్నారు. నరేంద్ర మోదీ ప్రధానమంత్రి కావడానికి, అమిత్ షా హోంమంత్రి కావడానికి ఎన్నికల వ్యవస్థలో జరిగిన పరిణామాలే కారణమని సంచలన వ్యాఖ్యలు చేశారు. విద్య, వైద్యం, సీబీఐ, ఈడీ, న్యాయవ్యవస్థ, బ్యూరోక్రసీ, పోలీసు వ్యవస్థ వంటి సంస్థలను ఆర్ఎస్ఎస్ తన ఆధీనంలోకి తీసుకుందని విమర్శించారు. మోదీ, అమిత్ షా, ఆర్ఎస్ఎస్ దేశంలో ద్వేషాన్ని వ్యాప్తి చేస్తున్నారని రాహుల్ ఆరోపించారు. ఓటు చోరీపై (Vote Theft Allegations) ప్రధాని మోదీ సమాధానం చెప్పాలని డిమాండ్ చేశారు.
వాళ్లు దేశం ఆత్మపై దాడి చేశారు..
ఢిల్లీ రామ్లీలా మైదానంలో ఇండియా కూటమి నిర్వహించిన భారీ ర్యాలీలో కాంగ్రెస్‌ అగ్రనేత రాహుల్ గాంధీ ప్రసంగించారు. “హిందుస్థాన్‌ ద్వేషానికి నిలయం కాదు.. ప్రేమకు ప్రతీక. మేం నరేంద్ర మోదీ, అమిత్ షా, జ్ఞానేశ్ కుమార్‌లను ద్వేషించం. కానీ వీరు దేశ ఆత్మపై దాడి చేశారు. దీన్ని మేం సహించలేం” అని వ్యాఖ్యానించారు.
Congress leader Rahul Gandhi spoke at the INDIA alliance rally at Ramlila Maidan in Delhi. He said that he does not hate Narendra Modi, Amit Shah, or Gyanesh Kumar, but accused them of attacking the soul of the nation. He also said that India stands for love, not hatred.
#rahulgandhi #indialliance #ramlilamaidan #congress #indianpolitics #politicalrally #narendramodi #amitshah #gyaneshkumar #nation #loveoverhate #delhinews #politicalnews #aksharatoday
— Akshara Today | Telugu News (@AksharaToday) November 1, 2026
దీనిని కూడా చదవండి : Hyderabad Water Supply | హైదరాబాద్ వాసులకు అలర్ట్.. తాగునీటి సరఫరాలో అంతరాయం
