అక్షరటుడే, వెబ్డెస్క్ : BJP Padayatra | హైదరాబాద్ (Hyderabad) నగరంలో బీజేపీ ఆధ్వర్యంలో సోమవారం భారీ ఎత్తున పాదయాత్ర నిర్వహించనున్నారు. ఈ కార్యక్రమానికి కేంద్ర హోమంత్రి అమిత్ షా (Amit Shah) ముఖ్య అతిథిగా హాజరు కానున్నారు. పాదయాత్ర మార్గంలో రేపు ట్రాఫిక్ ఆంక్షలు అమలులో ఉంటాయని పోలీసులు తెలిపారు.
పాలన మార్పు పేరిట కాంగ్రెస్ చేపడుతున్న నిరసన కార్యక్రమాలకు వ్యతిరేకంగా బీజేపీ ఆధ్వర్యంలో మహా పాదయాత్ర చేపడుతున్నారు. దేశభక్తులందరం ఈ యాత్రకు తరలివచ్చి విజయవంతం చేయాలని బీజేపీ రాష్ట్ర అధ్యక్షుడు రాంచందర్రావు కోరారు. నిజాం కాలేజీ ఎదురుగా ఉన్న బాబు జగ్జీవన్రామ్ విగ్రహం నుంచి సోమవారం మధ్యాహ్నం 3 గంటలకు పాదయాత్ర ప్రారంభం అవుతుంది. మొజంజాహి ఎక్స్రోడ్డు వరకు సాగుతోంది. అమిత్ షా రానుండటంతో ఈ పాదయాత్ర పెద్ద ఎత్తున బీజేపీ శ్రేణులు తరలిరానున్నాయి. ఈ క్రమంలో ట్రాఫిక్ పోలీసులు చర్యలు చేపట్టారు.
BJP Padayatra | ఆ మార్గాల్లో ప్రయాణాలు వద్దు
బీజేపీ పాదయాత్ర (BJP Padayatra) నేపథ్యంలో సోమవారం మధ్యాహ్నం 1 గంట నుండి సాయంత్రం 7 గంటల వరకు ట్రాఫిక్ ఆంక్షలు అమలు చేయనున్నట్లు పోలీసులు తెలిపారు. లిబర్టీ, రవీంద్ర భారతి, AR పెట్రోల్ పంప్, బషీర్‌బాగ్, BJR విగ్రహం, SBI గన్‌ఫౌండ్రీ, GPO, నాంపల్లి T-జంక్షన్, తాజ్ ఐలాండ్, MJ మార్కెట్, అఫ్జల్‌గంజ్, జంబాగ్ మార్గాల్లో రద్దీ అధికంగా ఉంటుందని, వాహనదారులు ఆ మార్గాల్లో వెళ్లొద్దని సూచించారు.
ర్యాలీ నేపథ్యంలో PTI – రవీంద్ర భారతి, కర్బలా జంక్షన్ – రవీంద్ర భారతి, కట్ట మైసమ్మ – చిక్కడపల్లి, నారాయణగూడ – లిబర్టీ, సెమెట్రీ జంక్షన్ – హెచ్టీపీ, బషీర్‌బాగ్ – బ్యాంక్ స్ట్రీట్, రామ్ కోటి – అబిడ్స్, పాత అంబేద్కర్ విగ్రహం – DMHS, చాదర్‌ఘాట్ – MJ మార్కెట్, అఫ్జల్‌గంజ్ – MJ మార్కెట్, గోకుల్ నగర్ – నాంపల్లి, రసూల్‌పురా – రాణిగంజ్, పంజాగుట్ట – సెక్రటేరియట్ మార్గాలపై ప్రభావం ఉంటుందన్నారు. ఆర్టీసీ బస్సులను సైతం దారి మళ్లించనున్నట్లు తెలిపారు.
దీనిని కూడా చదవండి : Country Bomb Blast | బాన్సువాడలో కలకలం.. నాటు బాంబు పేలి ఆరుగురికి గాయాలు..
