అక్షరటుడే, నిజామాబాద్ క్రైం: Drunk Ambulance Driver | డ్రంకన్ డ్రైవ్ తనిఖీల్లో అంబులెన్స్ డ్రైవర్ పట్టుబడ్డాడు. ఈ మేరకు ట్రాఫిక్ పోలీసులు (Nizamabad Traffic police) వివరాలు వెల్లడించారు.
Drunk Ambulance Driver | కంఠేశ్వర్ ప్రాంతంలో..
నగరంలోని కంఠేశ్వర్ ప్రాంతంలో ఆదివారం సాయంత్రం ట్రాఫిక్ సీఐ సురేష్ ఆధ్వర్యంలో డ్రంకన్ డ్రైవ్ తనిఖీలు చేపట్టారు. ఈ క్రమంలో అంబులెన్స్ను ఆపి డ్రైవర్ను తనిఖీలు చేయగా ఆయన మద్యం సేవించినట్లు గుర్తించారు. దీంతో అంబులెన్స్ను ట్రాఫిక్ పోలీస్స్టేషన్కు తరలించారు. డ్రైవర్ను న్యాయమూర్తి ఎదుట హాజరుపరుస్తామని ట్రాఫిక్ సీఐ సురేష్ తెలిపారు. ఈ సందర్భంగా ఆయన మాట్లాడుతూ.. మద్యం సేవించి వాహనాలు నడిపితే కఠిన చర్యలు తీసుకుంటామని హెచ్చరించారు. డ్రంకన్ డ్రైవ్ కారణంగా ఇతరుల ప్రాణాలకు సైతం ముప్పు వాటిళ్లే అవకాశం ఉందన్నారు.
ఇది కూడా చదవండి: పండుగ వేళ బిగ్ షాక్..పెరిగిన కమర్షియల్ సిలిండర్ల ధరలు..
