అక్షరటుడే, నిజామాబాద్ సిటీ: Nizamabad Couple Assault Arrest | ఆటోను నెమ్మదిగా నడపాలని పేర్కొన్నందుకు దంపతులపై దాడి చేసిన ఇద్దరు వ్యక్తులను పోలీసులు(Nizamabad Police) అరెస్ట్ చేశారు. ఈ మేరకు 1వ టౌన్ పోలీసులు వివరాలు వెల్లడించారు.
Nizamabad Couple Assault Arrest | గాజుల్పేట్ సంతలో..
నగరంలోని గాజుల్పేట్ సంతలో ఆటోను నెమ్మదిగా నడపాలని కోరిన దంపతులపై ఇద్దరు వ్యక్తులు ఇనుపరాడ్‌తో దాడి చేసి గాయపరిచారు. వారు పోలీసులకు ఫిర్యాదు చేయడంతో కేసు నమోదు చేసుకుని దర్యాప్తు చేశారు. ఈ క్రమంలో మంచిప్పకు చెందిన కమ్మరి రాజు, కామారెడ్డికి చెందిన రమంచ విష్ణును అదుపులోకి తీసుకున్నారు. ఆటోను చోరీ చేసి తిరుగుతూ.. దంపతులను ఢీకొట్టనబోగా వారు హెచ్చరించారు. దీంతో వారిపై ఇద్దరు దాడి చేశారు. విచారణలో ఇద్దరు నిందితులను అరెస్ట్ చేసి రాడ్ను స్వాధీనం చేసుకున్నారు.కమ్మరి రాజు, విష్ణులపై గతంలో పలు పోలీస్ స్టేషన్లలో చోరీల కేసులు నమోదై ఉన్నట్లు పోలీసులు తెలిపారు. వారిద్దరిని న్యాయస్థానంలో హాజరుపర్చినట్లు వన్టౌన్ ఎస్హెచ్వో శ్రీనివాస్ తెలిపారు.
ఇది కూడా చదవండి: తాగిన మైకంలో సొంత ఇంటికే నిప్పు.. సిలిండర్ పేలుడుతో ఫైర్ ఆఫీసర్‌కు గాయాలు!
