అక్షరటుడే వెబ్‌డెస్క్: Tata Motors EV Financing | భారతదేశంలో ( India ) అతిపెద్ద వాణిజ్య వాహన తయారీ సంస్థ అయిన ‘టాటా మోటార్స్’.. ఎలక్ట్రిక్ చిన్న వాణిజ్య వాహనాలు, పికప్‌ల (e-SCVPU) వినియోగదారుల కోసం కీలక ప్రకటన చేసింది. కస్టమర్లకు అనుకూలీకరించిన ఫైనాన్సింగ్ పథకాలను అందించేందుకు భారతదేశపు తొలి బ్యాటరీ ఇంటెలిజెన్స్, లైఫ్‌సైకిల్ మేనేజ్‌మెంట్ సంస్థ అయిన ‘టర్నో’ (Turno – ఫిన్జో ఈవీ సొల్యూషన్స్ ప్రైవేట్ లిమిటెడ్) తో వ్యూహాత్మక అవగాహన ఒప్పందం (MoU) కుదుర్చుకుంది. ఈ సరికొత్త భాగస్వామ్యం ద్వారా టాటా మోటార్స్ వినియోగదారులు త్వరితగతిన రుణ మంజూరు, సౌకర్యవంతమైన రీపేమెంట్ ఆప్షన్లతో పాటు, వాహన విలువలో 25% హామీతో కూడిన బైబ్యాక్ (Buyback) సదుపాయాన్ని పొందవచ్చు.
Tata Motors EV Financing | మరింత సులభతరం చేయడంతో..
ఈ భాగస్వామ్యంపై ‘టర్నో’ డైరెక్టర్ వరుణ్ నాయర్ మాట్లాడుతూ.. “ఈవీ యాజమాన్యాన్ని మరింత సులభతరం చేయడంతో పాటు, వినియోగదారులకు లాభదాయకంగా మార్చడం ద్వారా దేశవ్యాప్తంగా పర్యావరణహిత రవాణా వైపు మార్పును వేగవంతం చేయడమే మా లక్ష్యం. ఎలక్ట్రిక్ వాణిజ్య రవాణా రంగం వేగంగా అభివృద్ధి చెందుతున్న తరుణంలో, వినియోగదారులు తమ వాహనాల జీవితకాల విలువపై స్పష్టత కోరుకుంటున్నారు. టాటా మోటార్స్‌తో కుదిరిన ఈ ఒప్పందం ద్వారా కస్టమర్లకు కస్టమ్-మేడ్ ఫైనాన్సింగ్, బైబ్యాక్ మద్దతును అందిస్తూ పునఃవిక్రయ ప్రక్రియలోనూ పూర్తి భరోసా కల్పిస్తున్నాము” అని తెలిపారు.
Tata Motors EV Financing | స్వచ్ఛమైన రవాణాను..
టాటా మోటార్స్ లిమిటెడ్ ఎస్‌సీవీపీయూ (SCVPU) వైస్ ప్రెసిడెంట్ & బిజినెస్ హెడ్ పినాకి హల్దార్ మాట్లాడుతూ.. “స్వచ్ఛమైన రవాణాను అందరికీ అందుబాటులోకి తీసుకురావడానికి టాటా మోటార్స్ కట్టుబడి ఉంది. మా ఈ-ఎస్‌సీవీపీయూ (e-SCVPU) శ్రేణి అత్యుత్తమ పనితీరు, తక్కువ నిర్వహణ వ్యయాన్ని అందించేలా రూపొందించారు. టర్నోతో కుదిరిన ఈ ఒప్పందం ద్వారా ఫైనాన్సింగ్ అడ్డంకులను తొలగించడంతో పాటు, దీర్ఘకాలిక పునఃవిక్రయ విలువకు భరోసా కల్పిస్తున్నాము. ఇది దేశవ్యాప్తంగా వినియోగదారులు మరింత విశ్వాసంతో ఉద్గార రహిత రవాణా వైపు మారేలా ప్రోత్సహిస్తుంది” అని వెల్లడించారు.
Tata Motors EV Financing | సమగ్ర మద్దతు..
మార్కెట్లో విభిన్న రకాల కార్గో అవసరాలను తీర్చేందుకు ఏస్ ప్రో ఈవీ (Ace Pro EV), ఏస్ ఈవీ 1000 (Ace EV 1000), ఇంట్రా ఈవీ (Intra EV) పికప్‌లను టాటా మోటార్స్ అందిస్తోంది. ఈ వాహన వినియోగదారుల కోసం కంపెనీ దేశవ్యాప్తంగా బలమైన మౌలిక సదుపాయాలను కల్పిస్తోంది.
దేశవ్యాప్తంగా 150కి పైగా నగరాల్లో 25,000కు పైగా పబ్లిక్ ఛార్జింగ్ స్టేషన్ల సౌకర్యం. వాహనాల నిరంతర కార్యకలాపాలను (Uptime) పెంచేందుకు 200కు పైగా ప్రత్యేక ఈవీ సపోర్ట్ సెంటర్లు. ‘సంపూర్ణ సేవ 2.0’ కింద సమగ్ర లైఫ్‌సైకిల్ సేవలు , ‘ఫ్లీట్ ఎడ్జ్’ కనెక్టెడ్ వెహికల్ ప్లాట్‌ఫామ్ ద్వారా ఫ్లీట్ నిర్వహణ సదుపాయాలు.
ఇది కూడా చదవండి: Hyderabad Water Supply | తాగునీటి కొరత రాకుండా జలమండలి చర్యలు
