అక్షరటుడే, వెబ్డెస్క్: Kalita Majhi MLA | పశ్చిమ బెంగాల్ రాజకీయాల్లో అరుదైన ఘటన చోటుచేసుకుంది. అతిసాధారణ జీవితం గడిపే ఓ పనిమనిషి ఎమ్మెల్యేగా గెలిచి దేశ రాజకీయాల్లో సంచలనం సృష్టించారు. ఆస్గ్రామ్ (SC) నియోజకవర్గం నుంచి Kalita Majhi (37) అనే మహిళ Bharatiya Janata Party తరఫున పోటీ చేసి భారీ విజయం నమోదు చేసుకున్నారు.
తన ప్రత్యర్థి All India Trinamool Congress అభ్యర్థిపై దాదాపు 12 వేల ఓట్ల మెజారిటీతో గెలిచారు. కలితా మాఝీ సాధించిన మొత్తం ఓట్లు 1,07,692. ఆమె విజయంతో స్థానికంగా ఆనందోత్సాహాలు మిన్నంటాయి.
Kalita Majhi MLA | దుర్భర జీవితం..
గత రెండు దశాబ్దాలుగా కలితా సంపాదన నెలకు సుమారు రూ.2,500 మాత్రమే. 3–4 ఇళ్లలో పాత్రలు కడగడం, వంట పనులు చేస్తూ జీవనం సాగిస్తున్న కలితా మాఝీ తాజాగా చరిత్రను తిరగ రాశారు. ఎమ్మెల్యే అభ్యర్థిగా ప్రకటించిన తర్వాత కూడా తన రోజువారీ పనులను కొనసాగిస్తూనే.. ప్రజల మధ్య ప్రచారం కొనసాగించడం ప్రత్యేకతగా నిలిచింది.
సాధారణ స్థితి నుంచి ప్రజాప్రతినిధిగా ఎదిగిన కలితా మాఝీ విజయం, ప్రజాస్వామ్యంలో అవకాశాల సమానత్వానికి నిదర్శనంగా భావిస్తున్నారు. స్థానిక సమస్యలపై పోరాడే నిబద్ధతతోనే ఈ విజయం సాధ్యమైందని తన అనుచరులు పేర్కొంటున్నారు.
May 05 Market Analysis | నష్టాల్లో ఆసియా మార్కెట్లు.. గ్యాప్ అప్ ఓపెనింగ్ ను గిఫ్ట్ నిఫ్టీ
