అక్షరటుడే, వెబ్డెస్క్ : Bengal Violence | పశ్చిమ బెంగాల్లో హింసను ప్రేరేపిస్తూ, విధ్వంసానికి పాల్పడుతున్న వారిపై కఠిన చర్యలు తీసుకోవాలని భారత ప్రధాన ఎన్నికల కమిషనర్ (CEC) జ్ఞానేష్ కుమార్ (Gyanesh Kumar) ఆదేశాలు జారీ చేశారు.
పశ్చిమ బెంగాల్ ప్రధాన కార్యదర్శి, డీజీపీ, కోల్కతా పోలీస్ కమిషనర్, కేంద్ర సాయుధ పోలీసు బలగాల డీజీలు, అలాగే జిల్లా మేజిస్ట్రేట్లు, పోలీసు సూపరింటెండెంట్లు మరియు ఇతర పోలీసు అధికారులు నిరంతరం గస్తీ నిర్వహించాలని CEC ఆదేశించారు. హింసను ప్రేరేపించే వారిని, విధ్వంసానికి పాల్పడే వారిని తక్షణమే అరెస్ట్ చేయాలన్నారు.
Bengal Violence | చర్యలు చేపట్టాలి
బెంగాల్లో ఎన్నికల ఫలితాల తర్వాత హింస చెలరేగిన విషయం తెలిసిందే. బీజేపీ (BJP) అధికారంలోకి రాగా.. టీఎంసీ కార్యాలయాలపై పలు చోట్ల దాడులు కొనసాగుతున్నాయి. అయితే ఈ దాడులతో తమకు సంబంధం లేదని బీజేపీ స్పష్టం చేసింది. ఘర్షణలు చెలరేగడంతో ప్రజలు భయాందోళనకు గురి అవుతున్నారు. ఈ క్రమంలో ఎన్నికల కమిషనర్ జ్ఞానేష్ కుమార్ కీలక ఆదేశాలు జారీ చేశారు. హింసాకాండలో పాల్గొన్న వారిని తక్షణమే అరెస్టు చేయాలని ఆదేశించారు. కాగా అల్లర్లలో ఇద్దరు మరణించడం, విధ్వంసం చోటుచేసుకోవడంతో శాంతిభద్రతలపై తీవ్ర ఆందోళనలు తలెత్తాయి. దీంతో సున్నితమైన ప్రాంతాల్లో నిరంతర గస్తీ ఉండేలా చూడాలని జిల్లా మేజిస్ట్రేట్లు, పోలీసు సూపరింటెండెంట్లను ఆదేశించారు.
Bengal Violence | కొనసాగుతున్న ఉద్రిక్తతలు
కొన్ని జిల్లాల్లో ఉద్రిక్తతలు కొనసాగుతున్న నేపథ్యంలో, చట్టాన్ని వేగంగా, కఠినంగా అమలు చేయాల్సిన అవసరాన్ని ప్రధాన ఎన్నికల కమిషనర్ నొక్కి చెప్పారు. ప్రజా భద్రతపై ఆందోళనలు పెరుగుతున్న నేపథ్యంలో ఎన్నికల సంఘం (Election Commission) పరిస్థితిని నిశితంగా పర్యవేక్షిస్తోందన్నారు. “అత్యంత అప్రమత్తంగా ఉండాలని, శాంతికి భంగం కలిగించే ఏ ప్రయత్నాన్నైనా కఠినంగా ఎదుర్కోవాలని మాకు ఆదేశాలు అందాయి,” అని ఒక సీనియర్ పోలీసు అధికారి (Police Officer) తెలిపారు. పరిస్థితి మరింత తీవ్రతరం కాకుండా రాష్ట్ర పోలీసులు, కేంద్ర బలగాలను సమన్వయంతో మోహరించి, అధికారులు జిల్లాల వ్యాప్తంగా నిఘాను ముమ్మరం చేశారు.
ఇది కూడా చదవండి..: West Bengal Violence | బెంగాల్లో టీఎంసీ పరాజయం తర్వాత హింసాత్మక ఘటనలు.. మమతా బెనర్జీ చిత్రాలు ధ్వంసం
